Kosovën e pasluftës e kanë vërshuar lokalet e lojërave të fatit, sidomos bastoret, për të cilat njohësit e kësaj fushe shpeshherë kanë ngritur çështjen e mos kontrollimit të duhur të tyre nga organet shtetërore.
Ligji për lojërat e fatit i miratuar në vitin 2012 nga Kuvendi i Kosovës, ka kritere të qarta të cilat duhet t’i plotësojnë ata që dëshirojnë të hapin lokale të basteve, kazinove apo automateve.
Sipas ligjit bastoret duhet të mos gjenden në afërsi të drejtpërdrejtë, së paku pesëqind (500) metra, prej objekteve edukative-arsimore, institucioneve historike, fetare dhe pronës komunale, por edhe distanca mes tyre duhet të jetë së paku treqind (300) metra, shkruan Veriu.info.
Ndërsa, Ligji për Lojërat e Fatit e përcakton se për hapjen e lokaleve të kazinove duhet ë mos gjenden në afërsi të drejtpërdrejtë, më së paku 1,5 kilometra të objekteve edukative-arsimore, të institucioneve historike, fetare dhe të pronës komunale, kurse për hapjen e lokaleve të lojërave të automateve të mos ndodhen në afërsi të drejtpërdrejtë të objekteve edukative-arsimore, të institucioneve historike, fetare dhe të pronës komunale, së paku pesëqind (500) metra.
Veriu.info ka kërkuar nga Administrata Tatimore e Kosovës, përkatësisht Departamenti e Lojërave të Fatit e ATK-së të jep shpjegime pse këto kritere nuk po zbatohen në Mitrovicë dhe Vushtrri, ku shumë lokale gjenden në distancë më të afërt se sa ajo e lejuar me objekte shkollore e fetare, ndërsa zëdhënësja e këtij institucioni, Valentina Bytyqi – Sefa, ka thënë se aktualisht janë në fazën e vazhdimit të licencave te subjekteve të lojërave të fatit, kështu që nuk po lëshohet asnjë licencë, përderisa nuk plotësohen të gjitha kërkesat ligjore.
“Drejtoria e Lojërave të Fatit në Administratën Tatimore të Kosovës, në vazhdimësi është duke monitoruar subjektet të cilat merren me lojërat e fatit, në mënyrë që aktivitetet e tyre të jenë brenda kornizave të përcaktuara me Ligjin për Lojërat e Fatit. Aktualisht jemi në fazën e vazhdimit të licencave te subjekteve të lojërave të fatit, kështu që nuk do të lëshohet asnjë licence, përderisa nuk plotësohen të gjitha kërkesat ligjore. Fillimi i vitit 2017 ka nisur me një strategji e cila nuk do të ju le hapësirë shkelësve të ligjit. Vetëm gjatë tremujori të parë të këtij vitit nga aksionet e zhvilluara ka mbyllur 29 lokale të subjekteve të lojërave të fatit, të cilat veprimtarin e tyre nuk e kanë pasur në përputhje me ligjin përkatës. Po ashtu, janë konfiskuar 21 pajisje, si dhe janë lëshuar 55, 000 euro gjoba për çdo parregullsi të gjetur. Për veç të gjitha këtyre që i përmendem, gjatë këtij viti kemi pasur edhe 3 arrestime”, ka thënë zëdhënësja Bytyqi – Sefa për Veriu.info, duke treguar se ATK-ja iu ka bërë thirrje të gjitha bizneseve që ushtrojnë veprimtarin e lojërave të fatit, të respektojnë ligjin, pasi që në të kundërtën do të merren masat konform dispozitave ligjore.
Zëdhënësja Valentina Bytyqi – Sefa ka treguar se ATK-ja në mënyrë që të jetë edhe më e suksesshme në zbatim e ligjit, ka qenë dhe është e hapur për bashkëpunim me qytetarët dhe institucionet tjera të zbatimit të ligjit, ku për këtë qëllim i ka ftuar qytetarët që të gjitha informatat e korrupsionit në lidhje me ATK-në dhe evazionin fiskal, t’i paraqesin në linjën pa pagesë 0800-80-800. /Veriu.info/Telegrafi/
Promo
Reklamo këtuLufta Prigozhin - Putin
Më shumëNga Rubrika
Cineplexx ja dedikon ditën e hënë studentëve me një super-ofertë!
Në kuadër të lëndës me zgjedhje për klasat 1, 2 dhe 3, “Dukagjini” prezanton “Edukimi për shëndetin”
Siguria në udhëtim, PrishtinaTicket është anëtare e Swiss Travel Security
Më shumë vitamina, të rritura bio dhe të paketuara – kjo është veza REA-s, veza që dallohet për cilësinë, sigurinë dhe benefitet shëndetësore
Njoftim për shqiptarët e Gjermanisë dhe Zvicrës të cilët duan të udhëtojnë drejt Kosovës
Polymath Services dhe AWS: Bashkëpunimi që po ndikon të ardhmen e teknologjisë Cloud në Kosovë
FASAL ofron çmime promocionale në dyer dhe dritare PVC
UBT më i miri në rajon sipas rangimeve WURI 2024
Diplomë e Burimeve Njerëzore që njihet në Evropë, a ja vlen?
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Çmenduria që po synon ta bëjë Man City me Fodenin ka "frikësuar" edhe Real Madridin
Po largohet nga Real Madridi "krahu i djathtë" i Ancelottit
Ky është plani i ri i Gjermanisë në rast të një lufte në Evropë – me kërcënimet në rritje nga Rusia
Pique ka publikuar llogarinë bankare për të treguar se si duket paga e një futbollisti të nivelit elitar
Çfarë dihet deri më tani rreth zgjedhjeve për Parlamentin e ri Evropian?
AMP