Flet Ajsi, vajza të cilës Stresi i doli në mbrojtje (Foto)

Shumë vite më parë mes reperit të njohur Stresi dhe regjisorit Leonard Bombaj filloi një konflikt i hapur.

Gjithçka nisi me akuzat e Stresit ndaj Bombajt, ku sipas reperit Ajselda Xhaxhaj, vajza e cila u bë e njohur nga “Kripëmjaltëzat” (Një format i Leonard Bombajt), i kishte rrëfyer reperit se ishte përdhunuar nga regjisori.

Por, kjo gjë nuk u konfirmua asnjëherë, as nga policia e as nga gjykata, megjithatë konflikti vazhdonte.

Së fundmi, reperi Stresi u vu sërish në fokus të mediave kur një ditë sulmoi Leonardin, gjersa edhe ky rast si shumë të tjerë përfundoi në polici.

Ndërkohë, mediat rikthyen edhe njëherë në qendër të vëmendjes sherrin që kishte ndodhur para shumë vitesh mes dy protagonistëve.

Për ta sqaruar më së miri këtë gjë, vet e apostrofuara Ajsi Xhaxhaj, ka qenë e ftuar së fundmi në emisionin “Pasdite në Top Channel”, ku ka rrëfyer përball gazetares Jonida Shehu gjithçka rreth kësaj ngjarje.

E pyetur për marrëdhënien me Stresin, Ajsi tregoi se atë e ka vetëm mik të familjes dhe asgjë më shumë, ndonëse në media shpesh është aluduar edhe për krejt diçka tjetër.

“Janë hedhur edhe pretendime për mua dhe Stresin, por ai është vetëm një mik i familjes. Në atë kohë e kisha shumë problem t’ia thoja prindërve të mi, ndaj një nga arsyet ishin pikërisht ata që të mos i lëndoja”, është shprehur ajo, duke rrëfyer arsyen se pse i tregoi Stresit për ngjarjen. /Telegrafi/