Kur Dick Marty kishte publikuar raportin e tij lidhur me krimet e pretenduara të UÇK-së, lideri politik i kësaj organizate guerile, Hashim Thaçi e kishte këshilluar që të gjente një avokat të mirë.
Paralajmërimin për padi, presidenti aktual i Kosovës, Hashim Thaçi e kishte bërë në dhjetor të vitit 2010.
“Dick Marty duhet të gjejë avokatë të mirë – nëse mundet t’i gjejë ndonjë që ta mbrojnë atë – sepse në asnjë mënyrë ai nuk mundet t’i ikë drejtësisë për shpifjet e tij”, deklaronte Thaçi për Reuters duke paralajmëruar padinë, shkruan Insajderi.com.
Por, gjashtë vjet më vonë, padia e Thaçit është lënë në harresë ndërsa akuzat e Dick Martyt u bënë bazë për krijimin e një Gjykate Speciale jashtë territorit të Kosovës, që do të trajtojë krimet e mundshme të bëra nga ish-pjesëtarë të UÇK-së gjatë viteve 1998-2000.
Mes njerëzve të dyshuar për krime të rënda, përfshirë trafikimin e organeve është edhe vetë Hashim Thaçi.
Ndonëse, zyrtarisht ende nuk dihet se kush nga drejtues të lartë të Ushtrisë Çlirimtare të Kosovës do të gjykohen në këtë proces, raporti i prezantuar në Këshillin e Evropës nga Marty e lidh ish-drejtuesin politik të UÇK-së me këto krime mes të cilave edhe trafikimi i drogës, naftës e cigareve.
Mundësia e ndjekjes penale të Hashim Thaçit nuk është përjashtuar as nga kryeprokurori Special, David Schwendiman. Disa ditë para zgjedhjes së Thaçit si president i vendit, ai kishte deklaruar për Insajderin se “hetimet nuk do të ndikohen” nga votimi në Kuvendin e Kosovës lidhur me presidentin e vendit.
Në këtë kontekst, Thaçi mund ta ketë lënë të përballet me akuzat ndaj tij në një sallë të gjykatës speciale që pritet të fillojë punën vitin e ardhshëm.
Insajderi ka dërguar pyetje lidhur me këtë çështje në Presidencë, por nuk ka marrë ende një përgjigje me gjithë pritjen prej disa ditëve. Insajderi ka dashur të dijë edhe nëse Thaçi do të bëjë akuzë në të ardhmen ndaj Martyt, në mënyrë që të pastrojë emrin e tij nga akuzat, por Presidenca nuk është përgjigjur.
Megjithatë, në deklaratat publike të bëra deri më tani për këtë çështje, Thaçi ka hedhur poshtë akuzat ndaj tij.
“Qëllimi i raportit është që të dëmtojë imazhin e Kosovës dhe të gjithë shqiptarët në rajon, të ngadalësojë shtimin e njohjeve për pavarësinë e Kosovës, të bllokojë fillimin e bisedimeve me Serbinë,” ka thënë Thaçi për Reuters.
Por, në fakt, akuzat e Martyt kanë një bazë tek libri “Gjahu” i ish-prokurores së Tribunalit të Hagës, Carla Del Ponte, e cila shkruar e pra lidhur me trafikimin me organe njerëzore. Ajo kishte thënë se atë kohë nuk ka pasur vullnet politik për t’u hetuar krimet e mundshme të bëra nga UCK-ja.
Gjykimet në “Speciale” pritet të fillojnë vitin tjetër, por tashmë zyrtarë të kësaj gjykatë kanë njoftuar për “jetësimin zyrtar të Dhomave të Specializuara”. Në konferencën e parë për media të zyrtarëve të kësaj gjykate, u tha se ka filluar rekrutimi i stafit ndërsa u nënvizua se rëndësi e madhe do t’i kushtohet sigurisë së dëshmitarëve të mbrojtur.
Përgjithësisht, krijimi i një gjykate jashtë territorit të Kosovës ka nxitur reagim në Kosovë meqë gjykata do të trajtojë vetëm krimet e mundshme të bëra nga pala shqiptare duke anashkaluar krimet serbe. Megjithatë, gjykata është parë si mundësi që përfundimisht të hiqen të gjitha dyshimet e akuzat që rëndojnë mbi Kosovën për krimet e supozuara të ndodhura gjatë dhe pas përfundimit të luftës. /Insajderi.com/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Kurti: Anëtarësimi në KiE, hapi i parë drejt bashkimit me familjen evropiane
Ndalohet një shtetas i Kosovës në Maqedoni, kërkohej nga Interpoli
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë