0Shares

Ministri i Financave, Avdullah Hoti, i shoqëruar edhe nga Ministri i Bujqësisë, Pylltarisë dhe Zhvillimit Rural Memli Krasniqi kanë pritur sot në takim një delegacion të lartë të Bankës Botërore për zhvillimin e sektorit të ujitjes së tokave bujqësore.

Në këtë takim u diskutua për realizimin e projekteve aktuale, si dhe thellimin e bashkëpunimit të institucioneve të Kosovës me Bankën Botërore për sektorin e ujitjes së tokave bujqësore.

Gjatë takimit gjithashtu u bë e ditur se është në proces të ratifikimit Marrëveshja për realizimin e Projektit për Sigurinë e Ujit dhe Mbrojtjen e Kanalit në vlerë 22 milion Euro, ndërsa Marrëveshja tjetër për financimin e projektit për ujitjen e tokave bujqësore është në fazën përfundimtare të negociatave.

Të dyja palët u dakorduan se ka hapësirë për avancim të mëtutjeshëm të sistemit të ujitjes dhe u zotuan se angazhimi në këtë drejtim nuk do të mungoj./Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)