Policia e Malit të Zi ka përdorur gazin lotsjellës ndaj qytetarëve në Nikshiq dhe Plevle të Malit të Zi të cilët kundërshtonin arrestimin e disa priftërinjëve të Kishës Ortodokse Serbe.
Policia e Malit të Zi përmes një postimi në Twitter tha se gjatë përleshjeve janë plagosur 4 policë.
“Sonte, qytetarët u mblodhën në Plevle dhe në drejtim të policisë hodhën gurë, shishe qelqi dhe pajisje piroteknike. Si rezultat u plagosën 4 oficerë. Një veprim i shpejtë i policisë siguroi vendosjen e rregullit. Arrestimi i atyre që janë përgjegjës për këtë incident është duke u zhvilluar”, thuhet në njoftimin e policisë.
Tetë priftërinj në Mal të Zi mund të përballen me 12 vjet burgim për shkeljen e urdhrave të shëndetit publik, pasi drejtuan një liturgji të paligjshme, nëpër rrugët e qytetit të dytë më të madh të vendit, Nikshiq.
Mijëra besimtarë të Kishës Ortodokse Serbe në Mal të Zi, injoruan masën e ndalimit të tubimeve publike të cilën qeveria e ka vendosur për të parandaluar përhapjen e koronavirusit dhe morën pjesë në një liturgji fetare për të shënuar Ditën e Shën Bazilit të Ostrogut.
Prokurorët thanë më 13 maj se tetë priftërinjtë mund të përballen me burgim nën akuzën e shkeljes së kufizimeve të pandemisë.
“Ata [priftërinjtë] akuzohen për veprën penale të shkeljes së rregullave shëndetësore në parandalimin e një sëmundjeje ngjitëse të rrezikshme,” tha prokurori Stevo Sekariq në një deklaratë.
Beogradi ka kritikuar ashpër arrestimin e tetë priftërinjve të Kishës Ortodokse Serbe në Mal të Zi.
Videot dhe fotografitë nga ceremonia tregonin se si shumica e pjesëmarrësve nuk mbanin maska në fytyrë dhe as distancën e duhur nga njëri tjetri. /Rel/
Presidenti serb Aleksandar Vuçiq dhe Patriarku ortodoks serb Irinej, thanë në një deklaratë të përbashkët se “shfaqin shpresën se arrestimet nuk do të shkaktojnë ndonjë “trazirë ose përleshje të padëshiruar”.
Vuçiq bëri thirrje për një zgjidhje paqësore të krizës dhe një lirim të shpejtë të priftërinjve.
Irinej tha se ndalimet ishin “prova që shteti malazez po kryen një spastrim të Kishës Ortodokse Serbe”.
Arrestimet pasojnë tensionet e vazhdueshme midis autoriteteve pro-perëndimore të Malit të Zi dhe Kishës Ortodokse Serbe.
Autoritetet pro-perëndimore të Malit të Zi e shohin Kishën Ortodokse Serbe si një mjet për të ndërhyrë në punët e brendshme të vendit nga ana e Serbisë, e cila ka mbështetjen e Moskës.
Në fillim të këtij viti, Kisha Ortodokse Serbe zhvilloi për disa javë protesta në Mal të Zi kundër një ligji për Liritë Fetare.
Večeras su u #Pljevlja okupljeni građani u pravcu #policija bacali kamenice, staklene flaše i pirotehnička sredstva, usljed čega su i 4 službenika zadobila povrede.
Brzom i efikasnom akcijom obezbijeđen je stabilan red i mir a u toku je i privođenje odgovornih za ovaj incident. pic.twitter.com/1NQI98BQyz— Uprava policije Crne Gore (@PolicijaCG) May 13, 2020
Kisha Ortodokse serbe – e cila dominon për kohë të gjatë jetën fetare në Mal të Zi – pretendon se ligji do t’i marrë asaj pronën, duke përfshirë manastiret dhe kishat.
Ligji që hyri në fuqi në janar thotë se bashkësitë fetare duhet të dëshmojnë pronësinë e pasurisë para vitit 1918.
Mali i Zi, një vend me 620,000 njerëz, u nda nga Serbia përmes një referendumi në vitin 2006, duke marrë një kurs pro-perëndimor dhe duke u anëtarësuar në NATO në vitin 2017.
Vendi gjithashtu ka negociuar anëtarësimin në Bashkimin Evropian.
Nacionalistët serbë në të dy vendet kurrë nuk e kanë njohur plotësisht ndarjen e Serbisë nga Mali i Zi, për të cilin ata pretendojnë se është historikisht territor serb.
Lufta Prigozhin - Putin
Më shumëUkraina tërheq nga vijat e frontit tanket amerikane Abrams për shkak të kërcënimeve nga dronët rus
Zelensky paralajmëron për një "Çernobil të dytë"
Pse Greqia dhe Spanja po refuzojnë ta furnizojnë Ukrainën me sisteme të mbrojtjes ajrore?
Franca dhe Gjermania nënshkruajnë marrëveshjen miliarda euroshe mbi një projekt armësh
Erdogan shtyn vizitën në Shtëpinë e Bardhë
Blinken: Rusia do të përballej me vështirësi në Ukrainë nëse nuk do të kishte ndihmën e Kinës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre