Xavi i gatshëm të qëndrojë te Barcelona, por klubi duhet të pajtohet me dy kërkesat e tij

Trajneri i Barcelonës, Xavi mund të bëjë një kthesë shokuese dhe të qëndrojë në klubin katalunas pasi më parë kishte njoftuar se do të largohej në fund të sezonit.

Në janar, pas humbjes 5-3 ndaj Villarrealit në Estadio Olimpico Lluis Companys, Xavi 44-vjeçari tha se do të tërhiqej nga puna e trajnerit te Barcelona.

“Dua të njoftoj se më 30 qershor nuk do të vazhdoj më si trajner te Barça. Mendoj se situata duhet të ndryshojë rrjedhën dhe si kërkues nuk mundem të lejojë situatën aktuale”, tha Xavi në konferencën e tij për shtyp.

Thashethemet u përhapën se kush mund të marrë drejtimin nga Xavi, por që nga njoftimi, Barça ka nisur një seri të pabesueshme prej 12 ndeshjesh pa humbje në të gjitha garat.

Lexo po ashtu I thjeshti, i vështiri, ideali dhe i brendshmi – katër opsionet e Barcelonës për trajnerin e ri

Ata janë të dytët në La Liga dhe janë një këmbë në gjysmëfinale të Ligës së Kampionëve pas një fitoreje mbresëlënëse 3-2 në udhëtim te Paris Saint-Germain.

Sipas gazetarit Fernando Polo nga Mundo Deportivo, Xavi ende mund të qëndrojë te Blaugranët.

🧐 La continuidad de Xavi pasa por darle garantías de poder reforzarse

❌ El técnico sufrió mucho el pasado verano por no poder fichar como deseaba y no quiere que vuelva a pasarle

✍️ @ffpolo https://t.co/Cx1BiJFMiU

— Mundo Deportivo (@mundodeportivo) April 12, 2024

Presidenti Joan Laporta dhe drejtori sportiv Deco janë të etur që Xavi të mbetet, por thuhet se vendimi i tij varet nga dy kërkesa kryesore.

Si fillim, ai kërkon garanci se nuk do të ketë një largim të profilit të lartë nga skuadra e tij – edhe me problemet financiare të mirëdokumentuara të klubit.

Përveç kësaj, Xavi thuhet se dëshiron përforcime të reja “të rëndësishme” për të forcuar skuadrën e tij në të ardhmen.

Të tillë si Martin Zubimendi, Joshua Kimmich dhe Bernardo Silva janë cilësuar të gjithmonë si objektiva të mundshëm të verës. /Telegrafi/