Teksti “Letër për Amerikën” i organizatorit të sulmeve terroriste të 11 shtatorit në SHBA, Osama bin Laden është bërë viral në TikTok dhe po merr lëvdata nga përdoruesit e rinj – dhe ligjvënësit amerikanë të të dyja partive politike po kritikojnë aplikacionin në pronësi të Kinës për promovimin e “terrorizmit”.
Në letër, Bin Laden pretendonte se orkestroi sulmet vdekjeprurëse në Qendrën Botërore të Tregtisë, ku u vranë afro 3000 amerikanë, sepse SHBA-ja “sulmoi Palestinën”.
Terroristi gjithashtu e përshkroi krijimin e Izraelit si një “krim që duhet fshirë”, raporton nypost.
Over the past 24 hours, thousands of TikToks (at least) have been posted where people share how they just read Bin Laden’s infamous "Letter to America," in which he explained why he attacked the United States.
The TikToks are from people of all ages, races, ethnicities, and… pic.twitter.com/EwjiGtFEE3
— Yashar Ali 🐘 (@yashar) November 16, 2023
Gazeta britanike, The Guardian, e cila kishte publikuar tekstin e plotë të letrës në vitin 2002, tërhoqi dje shkrimin, duke përmendur faktin se ajo po shpërndahej gjerësisht në mediat sociale pa kontekstin e plotë, “prandaj, ne kemi vendosur ta heqim atë dhe t’i drejtojmë lexuesit në artikullin e lajmeve që fillimisht e ka kontekstualizuar atë”.
Midis përdoruesve të TikTok që promovuan letrën ishte Lynette Adkins – ndikuese e mediave sociale e cila është profilizuar në Los Angeles Times, transmeton Telegrafi.
Në videon, e cila ka marrë afro 100 mijë pëlqime dhe më shumë se 5500 komente që kur u publikua të mërkurën, Adkins u tha ndjekësve të saj që të “ndalonin atë që po bëjnë tani dhe të shkoni të lexoni një ‘Letër për Amerikën’”.
Adkins vazhdoi me disa mesazhe të tjera, duke përfshirë një në të cilin ajo u sugjeroi ndjekësve tre filma pasi ta kenë lexuar “Letër për Amerikën” dhe një tjetër në të cilën reagoi ndaj “The Guardian” për heqjen e tekstit ndërsa deklaroi edhe se “Amerika po e humbet keq luftën e PR”.
Shumë nga përdoruesit e TikTok që promovonin letrën ishin gra.
Një e dytë tha se ajo “nuk do ta shikonte kurrë jetën njëlloj. Unë kurrë nuk do ta shikoj këtë vend njësoj. Ju lutem lexoni dhe nëse e keni lexuar, më tregoni nëse edhe ju jeni duke kaluar një krizë ekzistenciale pikërisht në këtë moment, sepse në 20 minutat e fundit, i gjithë këndvështrimi për të gjithë jetën që kam besuar dhe kam jetuar ka ndryshuar”, shkroi një shfrytëzuese e TikTok.
Një përdoruese tjetër e mediave sociale, video e të cilës u bë virale, tha se pasi lexova letrën, “më bëhet e qartë se veprimet e 11 shtatorit dhe ato akte të kryera kundër SHBA-së dhe popullit të saj ishin të gjitha vetëm për të ndërtuar qeverinë tonë në kurriz të kombeve të tjera”.
Diku tjetër, përdoruesi i TikTok @Raeyreads postoi tekstin e plotë të letrës së Bin Ladenit në llogarinë e saj në TikTok, ku ka marrë më shumë se 1 milion shikime.
“Është çmenduri që ne po mësojmë vetëm tani për këtë. Qeveria e SHBA-së beson me të vërtetë se ata janë të paprekshëm dhe nuk kanë mësuar kurrë nga e kaluara”, shkroi një përdorues në përgjigje.
Videot në mbështetje të Bin Ladenit u shfaqën vetëm disa ditë pasi The Post raportoi se disa ligjvënës republikanë kishin bërë sërish thirrje që TikTok të ndalohej për përhapjen e përmbajtjes që kritikët i konsideronin si anti-izraelite gjatë luftës së vazhdueshme të vendit me Hamasin.
Kritikët nga të dyja partitë politike kanë pretenduar se TikTok, i cili është në pronësi të ByteDance me bazë në Pekin, është në mënyrë efektive një mjet i mbikëqyrjes dhe propagandës masive të Partisë Komuniste Kineze. TikTok ka mohuar në mënyrë të përsëritur këto pretendime. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Dy të vdekur dhe pesë të zhdukur pas “përplasjes me një varkë” pranë Budapestit të Hungarisë
Më shumë se njëzet ekipe, bashkë me dronët dhe qentë – në kërkim të helikopterit “të rrëzuar” të presidentit iranian
Polonia investon 2.5 miliardë dollarë në fortifikimin e kufirit me Rusinë dhe Bjellorusinë
Raportime "kontradiktore" rreth asaj se çfarë ndodhi me helikopterin ku ndodhej presidenti iranian Ebrahim Raisi
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
Vuçiq kërcënon dhe ofendon Malin e Zi: Të enjten do të shohim kë e kemi miq
Më shumë se njëzet ekipe, përfshirë dronët dhe qentë - në kërkim të helikopterit "të rrëzuar" të presidentit iranian
Helikopteri i presidentit iranian Ebrahim Raisi bën “ulje emergjente”
Ukraina realizon një nga sulmet më të mëdha me dronë brenda Rusisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare