Prishtina me çmimet më të përballueshme për blerjen e shtëpive nga të gjitha kryeqytetet evropiane, sipas një studimi të huaj

Prishtina renditet si kryeqyteti me çmimet më të përballueshme për blerësit e shtëpive nga të gjitha kryeqytetet evropiane, sipas një studimi që u publikuan nga DailyMail.

Çmimi mesatar i shtëpive në Mbretërinë e bashkuar ka arritur në 339,717 euro, derisa shtëpitë në Londër kushtojnë gati dyfishi i çmimit të cekur, sipas të dhënave të qeverisë britanike, transmeton Telegrafi.

View this post on Instagram

A post shared by Kosova Treasures (@kosova.treasures)

Sipas këshilltarit të pronave në organizatën Your Overseas Home, shtëpitë në kryeqytetin britanik Londër tani renditen në vendin e tretë si më të shtrenjtat në Evropë pas Stokholmit dhe Dublinit.

Kështu bazuar në studimet e tyre, Prishtina renditet si kryeqyteti më i favorshëm. Si përshembull, në Prishtinë me 280 mijë euro mund të blini një shtëpi me pesë dhoma gjumi me tre banja, një garazh dhe kopsht të madh.

View this post on Instagram

A post shared by Kosova Treasures (@kosova.treasures)

Pronat në Prishtinë kushtojnë 665 euro për metër katror, një fraksion e mesatares në Londër prej 9,330 euro për metër katror.

“Kostoja e jetesës dhe rritja e inflacionit dhe normave të interesit e kanë bërë të vështirë për shumë njerëz që të rrezikojnë për të blerë shtëpinë e tyre të ëndrrave në Mbretërinë e Bashkuar”, tha Christopher Nye, në “Your Overseas Home”.

“Të shohësh këto vende që janë shumë më të përballueshme, mund t’i inkurajojë ata që të shkojnë drejt një stili jetese shumë më të përballueshëm”.