Koha po kalon, Barca vazhdon të jetë në telashe – detyrohet të shesë lojtarë, para se t’i regjistrojë transferimet e reja

Nëse Barcelona nuk arrin marrëveshje për shitjen e disa lojtarëve, atëherë do të ketë probleme serioze në më pak se një muaj.

Blaugranët duhet “të heqin qafe” disa futbollistë, në mënyrë që të mund t’i regjistrojnë transferimet e tyre të reja. Fatura e pagave po rritet shumë, ndërsa klubi nuk është afër realizimit të ndonjë shitjeje të madhe që do t’u jepte më shumë hapësirë.

Klubi këmbëngul se gjithçka është nën kontroll, por fjalët e Xavi Hernandez pas ‘el Clasico’ dhanë një aluzion shqetësimi për këtë çështje.

Nuk duhet harruar se vet klubi njoftoi në fillim të qershorit se fatura e pagave ishte 560 milionë euro, praktikisht dyfishi i asaj të Bayern Munichut. Real Madridi në atë kohë paguante rroga në vlerë prej 400 milionë eurosh.

Tri javët që Xavi i ka vendosur si afat për zgjidhjen e problemit, përfaqësojnë një garë me kohën.

Lexo po ashtu Analizohet situata financiare e Barcelonës dhe sa larg mund të shkojnë katalunasit me këtë strategji

Nuk duhet harruar se Barcelona ka nënshkruar me Andreas Christensen, Franck Kessie, Raphinha dhe Robert Lewandowski.

Përveç kësaj, ata gjithashtu duhet t’i regjistrojnë lojtarët që kanë rinovuar në javët e fundit, si Sergi Roberto dhe Ousmane Dembele.

De Jong dhe Memphis

Në këtë situatë, ka shumë lojtarë që duken si një ‘litar shpëtimi’ për klubin katalunas, sidomos Frenkie de Jong dhe Memphis Depay. Largimi i tyre do të përfaqësonte një lehtësim të rëndësishëm për faturën e rrogave.

Në rastin e parë (De Jong), Xavi e ka pranuar faktin se largimi i tij është diçka që duhet të ndodhë për të sjellë lojtarë të rinj në skuadër. Ai është një futbollist që e do, por klubi nuk mund ta përballojë në këto kushte nëse nuk i reduktohet paga. Tash për tash, Joan Laporta ka treguar tashmë se do të zhvillojë një tjetër takim me holandezin për t’i hedhur letrat në tavolinë.

Lexo po ashtu Lewa, Laporta dhe levat: Barcelona rrezikon falimentimin me bastin më të madh në historinë e klubit

Në javët e fundit, Manchester Unitedi ka bërë përpjekje të mëdha dhe madje një delegacion i Djajve të Kuq ka udhëtuar në Barcelonë për bisedime. Megjithatë, mesfushori është i kënaqur në Camp Nou.

Rasti i Memphis është ndryshe. Ka shumë sulmues dhe ai nuk ka një rol të qartë. Kjo situatë mund të ndikojë që ai ta rimendojë qëndrimin te katalunasit.

Siç po qëndrojnë gjërat, nuk përjashtohet mundësia e largimit gjatë turneut ne Shtetet e Bahskuara të Amerikës. Koha po kalon. /Telegrafi/