Kroos po shqyrton tre opsione teksa hyn në vitin e fundit të kontratës me Real Madridin

Mesfushori gjerman i Real Madridit, Toni Kroos është duke shqyrtuar shumë opsione për të ardhmen e tij, pasi ka vetëm edhe një vit kontratë me Los Blancos.

E ardhmja e Kroos është në ajër, pasi kontrata e mesfushorit gjerman me Real Madrid skadon në verën e vitit 2023.

Sipas mediumit Diario AS, ai ka refuzuar mundësinë për ta zgjatur atë edhe për një vit, pasi do të preferonte të priste dhe të shihte fillimisht se si do të luhet sezoni i ardhshëm.

Lexo po ashtu Kroos shtyn vendimin për të ardhmen e tij në Real Madrid

Kroos ka qenë i hapur në të kaluarën se ai nuk e sheh veten duke luajtur në fund të të tridhjetave.

Ai do të jetë 33 vjeç në kohën kur skadon kontrata e tij aktuale dhe më pas do të rishikojë se si ndihet si individ dhe se si ndjen se po kontribuon në ekipin e parë të Real Madridit.

Lexo po ashtu Thellësia e çmendur e skuadrës së Real Madridit për sezonin 2022/23 dëshmon se një epokë e re dominimi po fillon

Vetëm atëherë ai do të marrë një vendim nëse do të zgjasë marrëveshjen apo do të kërkojë sfida të reja.

Mendohet se ka tre opsione në tavolinë për Kroos – të rinovohet edhe për një sezon në fund të këtij sezoni, të tërhiqet nga futbolli kur kontrata e tij në Santiago Bernabeu skadon në verë ose të largohet nga futbolli evropian për të provuar fatin diku si Shtetet e Bashkuara të Amerikës. /Telegrafi/