Katër formacionet e mundshme që PSG mund të luajë me Messin në skuadër, secili më i frikshëm se tjetri

Para 3 vitesh

Lionel Messi pritet ta konfirmojë transferimin e tij te Paris Saint-Germain gjatë ditëve të ardhshme, pasi u largua nga Barcelona si lojtar i lirë dhe mediat evropiane tashmë kanë filluar të mendojnë se si do të mund të luajë klubi francez dhe trajneri Mauricio Pochettino me argjentinasin në skuadër.

Barcelona befasoi të gjithë të enjten mbrëma kur konfirmoi se Messi nuk do të vazhdojë me klubin, në pamundësi për të rinovuar kontratën shkaku i kushteve të rënduara financiare dhe rregullave për paga në La Liga.

Largimi nga Barcelonës ka bërë që Messi të lidhet me një kalim në Ligue 1 te PSG, klub i cili thuhet se tashmë ka arritur marrëveshje personale me gjashtë herë fituesin e Topit të Artë.

Me transferimin në Parc des Princes, Messi do të ribashkohet me mikun e tij të mirë Neymar dhe bashkatdhetarët e tij, Angel Di Maria dhe Leandro Paredes.

Por, si mund të luajë PSG dhe trajneri Pochettino me Messin në skuadër?

Si mund të rreshtohet PSG me Messin në skuadër

Në të vërtetë, mos imagjinoni shumë, sepse faqja sportive Givemesport ka marrë guximin të bëjë punën e vështirë për ju, duke hartuar katër formacione të frikshme që PSG mund të krijojë nëse ata arrijnë të nënshkruajnë me Messin.

Nga përbërja më e mundshme e Mauricio Pochettinos deri tek një formacion sulmues i mrekullueshëm, që ne thjesht nuk mund t’i rezistonim, sigurohuni që të shikoni formacionet e çmendura që PSG mund të ketë vërtet në dispozicion me Messin në skuadër.

Formacioni 4-3-3

Le ta pranojmë, ky është ndoshta skenari më i mundshëm. PSG mund të duket se është gati të rikrijoj magjinë e triumviratit të famshëm të Barcelonës ‘MSN’, por me Kylian Mbappe që trashëgon rolin e Luis Suarez.

Mbappe do të luante në qendër, me Neymar në të majtë dhe Messi aty ku është më se i rehatshëm, duke operuar në të djathtë.

Messi si nëntë fals

Pochettino mund të përdor idetët e Pep Guardiolas dhe të vendos të luajë me njeriun magjik si një numër ‘nëntë fals’.

Ikona e Argjentinës mund të jetë i lirë të operoj në mesin e sulmit dhe të formojë një treshe brilante me Neymar dhe Mbappe, të cilat, nëse punojnë së bashku, mund të shkaktojnë ‘masakër’ ndaj ekipeve kundërshtare.

Messi pas dy sulmuesve

Kalimi në vendin pas sulmuesve apo si një numër 10 nuk është edhe i panjohur për yllin argjentinas.

Nuk mund të mohohet që Messi ka kaluar më shumë në rolin e një krijuesi të ndeshjeve në vitet e fundit, kështu që Pochettino mund të luajë me 34-vjeçarin pas dyshes Mbappe-Neymar.

Sulmues i lirë apo i gjithanshëm

Një formacion që Pochettino nuk ka shumë gjasa të luajë, por një që ne do të donim ta shihnim të dilte kundër kundërshtarëve më të dobët në Ligue 1 me shpresën e fitoreve jashtëzakonisht të mëdha.

Angel Di Maria ka të ngjarë të jetë një nga lojtarët që do të luajë më pak nëse Messi transferohet në Francë, kështu që është mirë të imagjinohet një skenar ku ai rreshtohet me Neymar, Mbappe dhe bashkatdhetarin e tij në një sulm vërtet të çmendur ndaj ekipeve më të vogla apo kur PSG ka nevojë ra rikthej rezultatin.