Klopp me fjalë të mëdha për Shaqirin, pasi ylli kosovar shënoi gol të jashtëzakonshëm: Luajti në një pozitë të panjohur, nuk kam dyshuar kurrë në të

Xherdan Shaqiri është rikthyer nga lëndimi dhe ka luajtur titullar për Liverpoolin në kuadër të EFL Cup.

Sulmuesi kosovar bëri një ndeshje të mirë edhe pse luajti në një pozicion ndryshe nga se jemi mësuar ta shohim.

Shaqiri u aktivizua si mesfushor, por ai ka lënë të kënaqur trajnerin Jurgen Klopp me paraqitjen e tij.

“Fillimisht ishte një super lojë, një super lojë nga Shaqiri në një pozitë mjaftë të panjohur për të, më thellë në mesfushë. Shaqiri u vendos mjaftë mirë në mesfushë, ai bëri një goditje të mirë dhe shënoi një gol të jashtëzakonshëm”, deklaroi fillimisht Klopp.

Klopp thotë se nuk ka dyshim në cilësitë e kosovarit, në fakt nuk ka pasur asnjëherë dyshim.

“Nuk kam dyshime për cilësinë e Shaq, në fakt nuk kam pasur kurrë dyshime mbi të dhe në këtë moment gjithçka duket vërtetë mirë dhe premtuese për të ardhmen”, vazhdoi tutje trajneri gjerman.

View this post on Instagram

Fytyra e Van Dijk e thotë më së miri të gjithën, çfarë goli 😍 👌 #XherdanShaqiri #Shaqiri #XS23 #TelegrafiSport

A post shared by Telegrafi Sport (@telegrafisport) on Sep 24, 2020 at 1:35pm PDT

Numri një i Liverpoolit e zëvendësoi Shaqirin, por ai ka konfirmuar se nuk bëhet fjalë për ndonjë lëndim.

“Ishte faji im që e nxora nga loja, ai ishte plotësisht mirë. Shaqiri e preku dy herë kyçin e këmbës dhe mendova se është lënduar, por nuk ka asgjë dhe është shumë mirë”, përfundoi Klopp.

Liverpool ka triumfuar me rezultat të thellë 2-7 te Lincoln, ndërsa Shaqiri shënoi golin e parë në ndeshje. /Telegrafi/

The Goal of Xherdan Shaqiri for Liverpool in video ! 🤯🎥#LINLIV #LFC 🔴pic.twitter.com/hEYhqNdbGW

— Liverpool FC 🔴 (@Reds_ENG) September 24, 2020