Pentagoni ka publikuar pamjet ku shihet operacioni ushtarak për kapjen e liderit të organizatës terroriste “Shteti Islamik”, Abu Bakr al-Baghdadi. Gjenerali Kenneth F. McKenzi Jr, që ishte në krye të komandës ka publikuar pamjet gjatë një konference për gazetarë në Pentagon.
McKenzie ishte komandant i operacionit ushtarak të njësisë elitare Delta Force, që u vërsulën në aksion të shtunën në veriperëndim të Sirisë, ku si rezultat Baghdadi përfundoi i vdekur pasi hodhi veten në erë me jelek të mbushur me lëndë shpërthyese, vetëm dhe vetëm që ta shmang kapjen, transmeton Telegrafi.
Gjenerali amerikan tha se Baghdadi mbyti edhe dy djemtë e tij të vegjël në shpërthimin që shkatërroi edhe bunkerin nëntokësor, brenda të cilit fshihej. Sipas tij, që të dy djemtë ishin nën moshën 12-vjeçe.
“Baghdadi ishte objektiv i forcave të sigurisë për ta kapur dhe sjell para drejtësisë, por gjithçka ndryshoi derisa po i afroheshim lokacionit ku ai po fshihej. Kishim informata se ku po fshihej kështu realizuam një operacion ushtarak të menduar deri në detajin më të vogël, duke nisur në aksion njësinë e specializuar për misione të tilla”, ka deklaruar McKenzie.
Videoja e parë e publikuar të mërkurën shfaq helikopterët që gjuajnë në drejtim të personave që refuzonin të dorëzoheshin, derisa forcat speciale amerikane po i afroheshin lokacionit.
Në videon tjetër shihen pjesëtarët e Delta Force duke iu afruar lokacionit duke iu afruar nga të dyja anët, ata madje kishin përdorur taktika dhe pajisje speciale për të hapur një vrimë në mur, për t’u futur më pas së bashku me qentë e njësitit ushtarak K-9.
McKenzi gjithashtu bëri të ditur se pasi Delta Force u futën në objekt dhe i bastisën personat duke u kërkuar armë apo mjete shpërthyese, e pas operacionit ushtarak janë liruar. Ai pranoi se të gjithë personat janë trajtuar sipas rregullave, përfshirë këtu 11 fëmijë që ishin brenda.
“Pavarësisht natyrës së dhunshme të operacionit ushtarak, njësia e specializuar për operacione të tilla ka bërë përpjekje maksimale që mos ketë pasoja në civilë dhe të mbrojë fëmijët që dyshonim se ishin brenda objektit”, ka shtuar ai.
Pesë anëtarët e ISIS që ishin brenda objektit kishin rezistuar dhe refuzuar të dorëzohen duke i qëlluar trupat amerikane, që si kundërpërgjigje arritën t’i vrasin të pestit. Katër prej tyre ishin femra dhe njëri mashkull.
E derisa operacioni ushtarak po i afrohej fundit, Baghdadi ishte futur në një bunker nëntokësor duke përdorur dy djemtë e tij si mburojë. Por, kur e kuptoi se nuk ka nga t’ia mbajë aktivizoi lëndën shpërthyese të montuar në jelekun që e kishte veshur – duke hedhur veten në erë së bashku me dy djemtë.
Pentagoni ka bërë të ditur se asnjë anëtar i njësisë Delta Force nuk është vrarë përfshirë këtu edhe qenin që ishte vërsulur për të kapur Baghdadin. /Telegrafi/
Lufta Prigozhin - Putin
Më shumëPamje që tregojnë momentin kur ukrainasit 'fshijnë nga faqja e dheut' pjesë të sistemit rus që kushton 5 milionë dollarë
Këta janë aeroplanët 'Rafale' që do të mbrojnë qiellin në Kroaci - të cilët i do edhe Serbia
Qëllimi i Putinit nuk është Ukraina, por Evropa - paralajmëron ministri gjerman
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Pak para se të lansonte raketat mbi pozicionet e ukrainasve, sistemi raketor rus Buk-M1 shkatërrohet – goditet direkt
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë