De Ligt e dëshiron transferimin te Manchester Unitedi

Manchester Unitedi ka marrë një lajm tejet të mirë në lidhje me Matthijs de Ligt, pasi që mediat angleze raportojnë se holandezi mund të transferohet në Old Trafford.

Djajtë e Kuq po e rivalizojnë Barcelonën për kapitenin e Ajaxit, gjersa ky i fundit e dëshiron largimin në afatin e verës, ndërsa katalunasit po i prijnë garës.

Blaugranët janë duke i prirë garës për transferimin e De Ligt, pasi Manchester Unitedi dështoi të kualifikohej për sezonin e ri në Ligën e Kampionëve.

Por, Ole Gunnar Solskjaer shpreson që ta transferojë mbrojtësin holandez në afatin kalimtar veror, për shërbimet e të cilit duhet të paguajnë 70 milionë euro.

Sipas Telegraph, De Ligt dëshiron të bëhet figura e klubit dhe t’i sigurohet një vend titullar në formacion, në mënyrë që ta kompletojë transferimin në Old Trafford.

Lexo po ashtu Të gjitha lajmet nga Matthijs de Ligt

Holandezi e di se te Barcelona do të ketë një konkurrencë të ashpër për një vend në formacionin bazë, pasi duhet ta mposhtë Gerard Piquen, Clemente Lenglet dhe Samuel Umtitin (nëse nuk largohet në verë). /Telegrafi/