Emisioni edukativ “iSTAR jemi ne” nga Teuta Krasniqi vjen së shpejti në GjirafaVideo

Një mundësi që fëmijët tuaj të mësojnë derisa argëtohen dhe shikojnë një emision ky yjet janë vetë fëmijët.

GjirafaVideo njofton që të shtunën, me 06.01.2017, në ora 12:00 do të publikohet një emision krejt ndryshe nga ajo çfarë jemi mësuar të shohim në platformat e videove. Një emision shqip i cili është i orientuar që t’i edukojë fëmijët me anë të argëtimit dhe lojërave që fëmijët e Art Studio’s iSTAR zhvillojnë, premton që do të jetë diçka që ju do të donit ta shikojë fëmija juaj.

Art Studio iStar, e udhëhequr nga Teuta Krasniqi, sjell emisionin me fëmijët, të titulluar “iSTAR Jemi Ne”. Me mysafirë të shumtë, personalitete që fëmijët i duan, me lojëra të ndryshme edukative, e me aktivitete të cilat do t’ju mësojnë fëmijëve shumë gjëra të reja, që ata i duan dhe kënaqën duke i bërë, ky emision do t’i japë njohuri të reja fëmijës suaj, dhe do ta njoftoje atë me një botë të magjishme të artit.

Shpjegime rreth jetës së përditshme, gjumit, zgjimit, mënyrës së ushqimit dhe ushqimeve të shëndetshme, mësime rreth lojërave, ndërtimit të lodrave, kukullave, biseda me personazhe të dashura e shumë gjëra të tjera të bukura të cilat fëmijët tuaj do t’i shikojnë me qejf, ndërsa prindërit do të ndihen rehat mbi atë që fëmijët janë duke shikuar.

Promon e emisionit mund ta shikoni në Gjirafa duke klikuar KËTU. /Telegrafi/