Barcelona, klubi me buxhetin më të madh në Evropë

Barcelona ka buxhetin më të madh nga klubet evropiane.

Kryetari i bordit të Barcelonës, Oscar Grau, deklaron se “blaugranat” janë fuqia më e madhe financiare e futbollit evropian.

Një të dhënë të tillë të buxheteve të klubeve për sezonin aktual e ka publikuar edhe gazeta e njohur sportive spanjolle, Marca.

Në këtë rast, kryetari i bordit të Barcelonës, Oscar Grau, vuri në dukje se edhe klubet e NBA-së dhe NFL (futbollit amerikan) nuk mund të krahasoheshin me buxhetin e katalanasve.

Megjithatë, duhet të merret parasysh se Barcelona në këtë buxhet ka futur edhe fitimet prej shitjes së 222 milionë eurove të Neymarit, e cila gjë nuk llogaritet prej gazetës Forbes.

Gjithashtu edhe klubet e tjera zakonisht nuk e marrin këtë parasysh dhe nuk e pasqyrojnë si fitim. /Telegrafi/

Lista e klubeve me buxhetin më të madh në futbollin evropian

1. Barcelona – 897 milionë euro

2. Real Madrid – 690.3

3. Manchester United – 655

4. Bayern Munich – 570

5. Manchester City – 548

6. PSG – 540

7. Juventus – 500

8. Chelsea – 472

9. Arsenal – 417

10. Borussia Dortmund – 400

11. Liverpool – 361

12. Atletico Madrid – 343

13. Tottenham Hotspur – 288

14. Milan – 263 milionë euro.