0Shares

Mesfushori shqiptar i Përfaqësueses së Zvicrës, Blerim Xhemaili ditë më parë iu bashkua kampionatit amerikan MLS.

Pas një viti fantastik në Serie A me Bolognën me gola dhe asistime të bukura, Xhemaili vendosi të bashkohej me Montreal Impact.

Ai ka zbuluar edhe arsyen pse vendosi të transferohet në MLS, duke theksuar se deshi një eksperiencë të re.

“E kam bërë këtë zgjedhje pasi erdhi momenti që un dhe familja ime të përjetojmë një eksperiencë të re”.

“Ishte një ofertë shumë e mirë në të gjitha aspektet për të ardhur në MLS dhe pranova pasi më pëlqen futbolli që luhet këtu”, është shprehur mesfushori tetovar.

Ai në fund ka falënderuar edhe tifozët e Bolognës, derisa ka pranuar se së bashku me Napolin ishin eksperiencat më të mira.

“Dua të falënderoj tifozët e Bolognës sepse jam ndier shumë mirë. Nuk e mendoja asnjëherë se do ta zhvillonim një stinor të tillë”.

“Bologna së bashku me Napolin janë dy eksperiencat më të bukura në botën e futbollit”, ka përfunduar Xhemaili.

Reprezentuesi zviceran, ka nënshkruar kontratë dy vjeçare me skuadrën kanadeze, Montreal Impact. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)