LAJMI I FUNDIT:

Google lanson versionin e ri të Gmail për iOS

Google lanson versionin e ri të Gmail për iOS
-->

Google ka lëshuar një version të ri të aplikacionit Gmail për iOS. Aplikacioni vjen me një pamje të re si dhe me një sërë tiparesh të reja.

Ndër tiparet inovative që janë shtuar në versionin e ri për iOS të Gmail janë tipari ‘Undo Send’ që mundëson kthimin e e-mail të dërguar, tipari për kërkime më të shpejta dhe tipari ‘swipe’ që lejon fshirjen ose ruajtjen në arkivë të mesazheve përmes rrëshqitjes së gishtit.

“Kur do të merrni përditësimin e aplikacionit Gmail në iOS, do të vëreni disa ndryshime interesante. Ky version sjell rifreskimin më të madh të aplikacionit në katër vitet e fundit. Është i njejti Gmail që ne e duam por me një pamje të freskuar, ndryshime të ndritshme dhe tipare të reja të shumë-kërkuara. Poashtu, aplikacioni tani është edhe më i shpejtë se ndonjëherë.” – thuhet në komunikatën e Google.

Aplikacioni është i gatshëm për shkarkim në dyqanin online të Apple, iTunes Store.