0Shares

Gareth Bale ka thënë se nuk planifikon të largohet nga Real Madridi për Manchester Unitedin, duke theksuar se asnjë ofertë nuk është bërë në drejtim të tij.

Sulmuesi nga Uellsi ka qenë prej kohësh i lidhur me një rikthim në Ligën Premier, me klubin nga Old Trafford, të interesuarit kryesorë.

Perez bindet për shitjen e Bale, dy gjigantë të Evropës bëjnë ofertë Perez bindet për shitjen e Bale, dy gjigantë të Evropës bëjnë ofertë

28-vjeçari bëri vetëm 27 paraqitje në të gjitha garat sezonin e kaluar për shkak të lëndimeve, por mbetet me një rol kyç për treshen e famshme të sulmuesve të BBC-së së bashku me Cristiano Ronaldo dhe Karim Benzema.

Bale këmbëngul se po shijon jetën në kryeqytetin spanjoll dhe kur u pyet nëse ai e ka konsideruar largimin drejt Unitedit, ai u shpreh se këto fjalë gjithmonë qarkullojnë, por nuk ka ndonjë ofertë konkrete dhe është i lumtur te Reali.

Zidane – Perezit: Shiteni Balen, sjelleni Mbappen! Zidane – Perezit: Shiteni Balen, sjelleni Mbappen!

“Jo, gjithçka është komplikuar nga lëndimi, por asgjë tjetër. Unë ende mund të luaj mirë dhe kur të jem në maksimum do të jap më të mirën time. Kam nënshkruar një kontratë të gjatë në Madrid dhe jam i lumtur këtu”, ka thënë fillimisht Bale për Marca.

“E vërteta është që unë nuk kam lexuar asgjë për interesimin e Unitedit. Si një lojtar britanik, unë jam gjithmonë i lidhur me një kthim në shtëpi, e njëjta gjë ndodhi me David Beckham dhe anglezët të tjerë që erdhën në Spanjë”.

“Unë jam i lumtur që luaj në Madrid, interesi logjik është interes, por nëse nuk ka pasur asgjë konkrete, asnjë ofertë, atëherë nuk ka asgjë për të diskutuar”, përfundoi ylli uellsian. /Telegrafi/

Të Ngjajshme
Shfaq Komentet (0)