Agjenti i Schick zbulon pse dështoi kalimi te Juventusi

Agjenti i futbollistit çek, Patrik Schick, ka zbuluar arsyet pse klienti i tij nuk ka arritur të finalizojë transferimin te Juventusi.

Një problem gjatë testeve mjekësore pengoi Juventusin që të finalizojë marrëveshjen me Bianconerët.

“Nuk është e lehtë të sqarohet se pse ka pasur aq shumë gjëra në javët e fundit dhe ka qenë vështirë për të gjithë”.

“Patrik ka filluar szonin korrikun e kaluar me Sparta Pragën dhe më pas kaloi te Sampdoria. Gjatë vitit ai ka luajtur gjithnjë dhe ka pasur një pushim tetë ditor në Krishtlindje. Ndeshja e fundit e tij ishte më 24 qershor gjatë Kampionatit Evropian. Ishte e vështirë për një lojtar 20 vjeç që të luajë në Serie A dhe të ketë vetëm dy ditë pushim”.

Lexo po ashtu Lajmet e fundit nga transferimet e lojtarëve

“Ata e ndaluan për shkak të problemeve të zemrës, ekzaminimet mjekësore treguan stres për shkak të mbingarkesës fizike. Të gjithë mjekët janë të pajtimit se pas një periudhe të pushimit do të jetë gjithçka në rregull, nuk është asgjë serioze”.

“Probleme të ngjashme gjenden te shumë atletë dhe ky është fenomen i lodhjes. Kur ne shkuam në Torino, Schick kishte përfunduar ndeshjen ndaj Italisë dhe u zgjua në ora 6:00 të mëngjesit dhe kjo rriti stresin te ai. Patrik kurrë nuk ka pasur këso problemesh. Gjatë ekzaminimeve tjera në Departamentin e Kardiologjisë në Spitalin e Mjekësisë Intere në Pragë asnjë problem nuk doli te lojtari”, u shpreh agjenti i Schick.

Tash Patrik Schick është afër transferimit të Interi. /Telegrafi/