Yjet shqiptare kundër Bleonës, kërkojnë ikjen e saj

Bleona Qereti po përballet me komente të ashpra jo vetëm nga publiku por edhe nga disa artistë të skenës shqiptare.

Kjo pasi ajo në natën e fundit të “Your Face Sounds Familiar” ka ofenduar Endri Priftin duke e quajtur performancën e tij skandaloze .

Me pak nuk e la as Endri, i cili iu kundërvu Bleonës duke i thënë se asaj i duhet të mësojë të këndojë.

Pas këtij debati të ashpër reagime të shumta kanë ardhur nga personazhe të njohura, të cilat vihen në mbrojtje të Priftit dhe madje duke kërkuar edhe ikjen e këngëtares nga aty.

“Unë u mërzita shumë dhe reagova me një status sepse ju dua shumë dhe e di vlerën tuaj artistike…po ajo vajzë nuk e di akoma se c’fat është kur të vlerëson një publik. Duhet të bëjmë një peticion të gjithë artistët që ajo të mos e ketë me vendin aty”” ishte reagimi i Valbona Memës në postimin që Stefi kishte bërë në rrjetet sociale ku kishte thënë se ai ishte kundër pjesëmarrjes së vëllaut të tij aty sepse ata po i bëjnë keq.

Komenteve përkrahëse i është bashkuar edhe Myfarete Laze, e cila Endrin e quan artist edhe në shpirt që na kënaq me interpretimet e tij./Telegrafi/