Pas konfirmimit të 5 rasteve të reja me COVID-19 në komunën e Vushtrrisë, ka reaguar kryetari Xhafer Tahiri.

Ai përmes një statusi në Facebook ka apeluar te qytetarët që të kenë kujdes të shtuar, teksa ka njoftuar se kanë ofruar medikamente mjekësore te familjet që janë prekur nga coronavirusi.

“Sonte janë shëruar 2 qytetarë të Vushtrrisë dhe janë konfirmuar 5 raste të reja me COVID-19. Të gjitha rastet e reja janë raste kontakti, janë nga e njëjta familje dhe janë në vetizolim.

Edhe sot, Shtabi Emergjent Komunal përmes Kryqit të Kuq ka dërguar mjete mbrojtëse mjekësore, barna, ushqime dhe pako higjienike për familjet e prekura.

Derisa po hyjmë në fazën e hapjes së plotë, ju lutem që gjithsecili qytetar të jetë i vëmendshëm dhe të ketë KUJDES”, ka shkruar ai në Facebook.