Leonidha Mërtiri
Kryeministri i Malit të Zi, Dushko Markoviq, këto ditë i bëri thirrje Rusisë dhe përkrahësve të saj në këtë republikë që t’i mbajnë duart larg nga destabilizimi i vendit të tij. Markoviq njihet si krahu më i afërt i Millo Gjukanoviq, ish-kryeministrit që dha dorëheqjen në tetor të vitit të kaluar, pas njëzetepesë vitesh në pushtet dhe që sot mban vetëm postin e kreut të Partisë Demokratike Socialiste (PDS).
Kryeministri aktual dymbëdhjetë vite më parë mori drejtimin e Agjencisë së Sigurisë Kombëtare dhe më pas atë të zëvendëskryeministrit për Problemet e Sigurisë dhe Politikës. Duke qenë edhe në kontakte me agjencitë e shërbimeve speciale, prej kohësh, me shqetësim ai ka bërë të njohur rrezikun rus për Malin e Zi. Duket, bashkimi i Malit të Zi me Aleancën e Atlantikut të Veriut, ftesa për t’u bërë vendi i 29-të i saj, nuk mund të mos zgjonte nervozizmin e rusëve, teksa për malazezët kjo të ishte nga ngjarjet më të rëndësishme pas Shpalljes së Pavarësisë në vitin 2006.
Nënshkrimi më vonë i Protokollit me NATO-n, pas miratimit në Parlament të rezolutës për anëtarësim në këtë aleancë, në vitin 2015, vetë fryma perëndimore e shtetit të 650 mijë banorëve, bëri që tonet e Moskës të ngrihen. Dhe, kjo motivohej, sipas zëdhënësit të Kremlinit, se “nuk i kontribuonte sigurisë në Evropë, por rritjes së tensioneve në kontinent”. Aleatja tradicionale e Malit të Zi dhe Serbisë, e joshur përherë nga zona e Ballkanit, e ka parë këtë të pandarë nga interesat dhe nën influencën e saj, me oreksin e rritur, për ndikim më të madh në këtë rajon.
Bashkimi i Malit të Zi me NATO-n, përjetuar si goditje për të, i ka luhatur marrëdhëniet e Rusisë me republikën e vogël ballkanike. Ato do të pulsonin më tepër, pas përkrahjes nga kjo e fundit, të sanksioneve të Bashkimit Evropian dhe Shteteve të Bashkuara të Amerikës ndaj Rusisë, ndryshe nga Serbia, për shkak të sulmeve në Ukrainë dhe aneksimit të Krimesë. Kërcënimet ndaj Malit të Zi, të zëshme apo të pazëshme, u trupëzuan me ndërprerjen diku të projekteve të përbashkëta. Investimet dhe financimet ruse, deri para pak muajve, për afro një dekadë, kapnin shifrën rreth dy miliardë euro.
Por, pavarësisht njëfarë rënieje të tyre gjatë kohëve të fundit, Rusia vazhdon të jetë e pranishme në këtë vend. Në duart e disa biznesmenëve të njohur rusë janë pasuri të paluajtshme, sidomos në bregdetin malazez. Për pasojë, kjo nuk mund të mos sjellë tek ata forcën ndikuese të tyre në jetën e vendit. Po kështu, turistët rusë janë këtu vizitorët më të shumtë dhe më të shpeshtë. Intensiteti i ndërhyrjeve ruse, taktikat e përdorura, nuk janë të panjohura.
Është kjo arsyeja që e bën kreun e NATO-s, Jens Stoltenberg, të pohojë jo më kot se aleanca është në dijeni të ndikimit të rritur rus në Ballkan dhe intervenimit në proceset politike në Mal të Zi. Këto ndërhyrje apo provokime kanë ndërkohë mbështetjen, nxitjen edhe të forcave proserbe në vend. Zyrtarë të lartë të Podgoricës vazhdojnë të akuzojnë Shërbimet Sekrete Ruse, por edhe Serbinë, për përfshirje në atentatin e dështuar në tetorin e kaluar ndaj Gjukanoviqit dhe në përpjekjet për organizimin e një puçi gjatë zgjedhjeve parlamentare, për të sjellë në pushtet njerëz të tyre të opozitës, përfaqësues të së cilës nuk kanë pushuar me ecejaket e tyre në Moskë.
Për këto forca, edhe ëndrra për njësimin e Serbisë me Malin e Zi mbetet përsëri e tillë. Kisha Ortodokse Serbe dhe kreu i saj, peshkopi Amfilohije, të njohur gjithashtu për antiatlantizmin e tyre, janë mbështetje e kësaj ëndrre. Pas disa javësh, me ratifikimin nga të gjitha vendet anëtare të Aleancës së Atlantikut të Veriut të Protokollit për anëtarësim në NATO, Mali i Zi, përmes sfidave, bëhet anëtar i saj.
Shqipëria, duke vlerësuar sigurinë rajonale, NATO-n, si mbrojtëse dhe prodhuese të stabilitetit, u bë vendi i parë që firmosi për anëtarësimin e fqinjit të vet. Dhe bëri shumë mirë. Vendosmëria e malazezëve, në rrugën e tyre pa kthim, duket ka filluar t’i bëjë rusët të ulin disi tonet. Në disa deklarata të fundit të tyre “respektohet” “zgjedhja sovrane e malazezëve”. Pavarësisht sfidave në këtë drejtim, edhe udhëheqja malazeze, si e një vendi anëtar të NATO-s, shpreson sërish në përmirësimin e marrëdhënieve me Rusinë. Sikurse ndodh kështu edhe me vendet e tjera, anëtare të kësaj aleance.
Promo
Reklamo këtuLufta Prigozhin - Putin
Më shumëNga Rubrika
Kosova dhe Këshilli i Evropës: Një hap tjetër prapa në integrimin ndërkombëtar
Dështimi i NATO-s për ta shpëtuar Ukrainën, shtron pyetjen ekzistenciale: Për çfarë ekziston?
Aleatët e Robert Fico kërcënojnë me luftë – me shpërbërjen e demokracisë sonë
Aksident i rëndë trafiku në Prishtinë mes një veture dhe dy motoçikletave
“I ka propozuar Kiarës me një tekst timin” - Luiz Ejlli reagon pas deklaratës së Jul Dedës
I penduar, Meriton Mjekiqi i kërkon falje publike ish-banores së Big Brother VIP Albania
Vdekja e presidentit iranian, çfarë dihet deri më tani
Martesa e dy vajzave në bashkinë e Tiranës, ligji shqiptar nuk lejon martesa të së njëjtës gjini, reagon Kisha Katolike
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Qysh nga raundi i parë u vërejt se diçka nuk shkon me Tyson Furyn - tani publikohen pamjet
Besnik Berisha: Enver Sekiraqa nuk është arratisur
Ato që dimë deri tani rreth aeroplanit “të rrëzuar” të presidentit të Iranit
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
"Askush nuk donte të fliste me mua te Barcelona, vetëm Eric Abidal” - ylli i ri francez tregon vuajtjet te gjiganti i La Ligas
Aeroplani “i rrëzuar” i presidentit të Iranit, thuhet se tanimë ka pasur një kontakt me pasagjerët dhe anëtarët e ekuipazhit