Anijet robotike që lundrojnë në mënyrë autonome pa ekuipazh po zhvillohen me shpejtësi të madhe
Edhe pse tingëllon si fantashkencë, anija oqeanike pa asnjë njeri në bord po vjen më shpejt se sa mendoni.
Në pamje të parë duket si çdo anije tjetër. Megjithatë, kur shikoni më afër mund ta vëreni teknologjinë e lartë të instaluar brenda saj ku përfshihen kamera, mikrofonë, radarë, GPS, dhe të gjitha llojet e komunikimeve satelitore.
“Ne kemi shtuar shumë pajisje dhe e kemi projektuar atë për të qenë ajo që ne e quajmë robotike”, tha Colin Field, kreu i sistemeve në distancë në kompaninë US-UK Ocean Infinity (OI).
Pamjet e shpërndara së fundmi shfaqin anijen 78 metra të gjatë me vetëm 16 persona në bord e cila është pjesë e flotës “Armada”, një flotë me 23 anije e projektuar për vëzhgimin e shtratit të detit dhe kontrollimin e infrastrukturës nënujore për industrinë e naftës dhe gazit.
“Është e mahnitshme se si gjithçka është e automatizuar”, tha piloti praktikant i mjetit të drejtuar nga distanca (ROV), Marian Meza Chavira, duke lënë të nënkuptohet se me avancimin e teknologjisë ekuipazhi do të redukohet dhe në një të ardhme do të largohet krejtësisht.
Ndryshe, në Belgjikë dhe Japoni ka anije që lundrojnë në mënyrë autonome midis destinacioneve të ndryshme, shkruan BBC, përcjell Telegrafi.
Përparësitë e këtyre mjeteve janë të dukshme. Me më pak njerëz në bord, ato mund të jenë më të vogla në madhësi, që do të thotë se kërkojnë më pak karburant.
Sipas hulumtuesit të transportit autonom në Universitetin e Teknologjisë në Delft, Rudy Negenborn, sistemet teknologjike për të zëvendësuar ekuipazhin po zhvillohen me shpejtësi, por ende kanë rrugë për të bërë.
Disa anije të vogla tashmë lejohen të punojnë pa asnjë person në bord. Kompania britanike Sea-Kit International është duke projektuar një flotë të këtyre anijeve pa ekuipazh. Madje, një prej tyre është dërguar së fundmi në Tonga për të vëzhguar vullkanin nënujor ende aktiv që shpërtheu në vitin 2022, detyrë kjo që konsiderohet mjaft e rrezikshme.
Por, teksa transporti autonom për të operuar nga distanca po zhvillohet, lindin edhe pyetje të shumta.
Si do të ndryshojnë këto teknologji natyrën e punës? A mund të krijojnë lloje të reja pune? Sa të sigurta janë sistemet që po zhvillohen dhe a mund të mbrohen nga sulmet kibernetike? Më saktësisht, a janë mjaft të fuqishme dhe të besueshme?
Aktualisht me çështjet që lidhen me anijet autonome në det po përballet Organizata Ndërkombëtare Detare (IMO).
Bëhet e ditur se në përkrahje të këtij lloj transporti është edhe qeveria e Mbretërisë së Bashkuar.
“Po vjen një industri e madhe dhe qeveria padyshim nuk dëshiron t’i humbasë mundësitë”, tha avokatja e transportit detar Fiona Cain. /Telegrafi/
Lufta Prigozhin - Putin
Më shumëShoferi i Tesla në SHBA tha se ai po përdorte Autopilot kur goditi për vdekje një motoçiklist
Musk paralajmëron risi, tash secili mund të bëhet me Tesla
Volvo "përplas" veturën më të madhe të saj me atë më të voglën
Një garë tjetër e supermakinave: Lamborghini Revuelto, Ferrari SF90 apo Porsche 918?
Cilat vetura janë më të lira për t'u mirëmbajtur për shoferët amerikanë?
Mercedes hoqi dorë nga ideja e një motori të vogël me dy cilindra në klasën S
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë