Atalanta e liron Koopmeinersin për t’u bashkuar me Juventusin, por me një kusht

Sipas raportimeve në mediat italiane se Atalanta do të lejojë Teun Koopmeiners t’i bashkohet Juventusit për 55 milionë euro duke përfshirë bonuset, por vetëm pasi ai të luajë Superkupën e Evropës kundër Real Madridit.

Mesfushori ka qenë prej kohësh një objektiv i fortë për Bianconerët, pasi ai ka rënë dakord për kushtet personale muaj më parë dhe refuzoi propozime të tjera nga Liverpool dhe Man Utd.

Sipas Calciomercato.it, pas një oferte fillestare prej 45 milionë euro plus bonuse , Juve tani është gati të përfundojë marrëveshjen për 50 milionë euro plus 5 milionë euro të tjera bonuse.

Megjithatë, raportimet theksojnë gjithashtu se ekziston një kusht, që është që Juventusi nuk mund të nënshkruajë me Koopmeiners derisa ai të ketë luajtur Superkupën e Evropës kundër Real Madridit.

Kjo është një ndeshje e madhe dhe prestigjioze mes fituesve të Ligës së Evropës dhe Ligës së Kampionëve, që do të luhet në Varshavë të mërkurën e 14 gushtit.

Një ditë pas atij turneu, atëherë mesfushori holandez mund të bëjë lëvizjen te Juventusi. /Telegrafi/