Mediat italiane zbulojnë lojtarin më të rëndësishëm te Shqipëria, Italia, Spanja dhe Kroacia

Pak ditë na ndajnë nga fillimi i Kampionatit Evropian dhe tashmë kanë nisur llogaritë e grupeve përkatëse.

Shqipëria ndodhet në Grupin B ose thënë ndryshe në “Grupin e Ferrit” së bashku me Italinë, Spanjën dhe Kroacinë.

Mediat italiane kanë përzgjedhur “yllin” e secilës prej katër kombëtareve në fjalë në prag të nisjes së Euro 2024.

Lexo po ashtu UEFA ka një rregull të rreptë për stadiumet ku do të zhvillohen ndeshjet e Euro 2024

Ylli i Shqipërisë

Lojtari më i rëndësishëm për Shqipërinë, sipas mediave italiane është sulmuesi Armando Broja. Pavarësisht se nuk kaloi një sezon të mirë mes Chelseat dhe Fulhamit në Ligën Premier, trajneri Sylvinho e mori Brojën në Evropian për të arritur sukses në një grup ku Shqipëria konsiderohet si “Hirushja”. Lëndimin që pësoi në ligament nuk e lejoi Brojën të merrte pjesë në fazën kualifikuese të Euro 2024, ndërsa rikthimi në fushë pas dëmtimit nuk ishte emocionues dhe menaxhimi në grup nuk ishte shumë i thjeshtë. Pavarësisht kësaj, ai është një futbollist shumë i rëndësishëm për të mos qenë në qendër të projektit të Shqipërisë dhe Sylvinhos. Madje në Itali ai është duke u ndjekur me shumë interes nga Milan dhe ndoshta e ardhmja e sulmuesit shqiptar mund të jetë në Serie A, me “kuqezinjtë”.

Lexo po ashtu Frikë te Gjermania para nisjes së Euro 2024 shkaku i dy lojtarëve

Ylli i Italisë

Lojtari më i mirë i Italisë konsiderohet portieri Gianluigi Donnarumma, i cili prej vitesh është një nga portierët më të mirë në botë dhe vjen në Euro 2024 nga një sezon i shkëlqyer në Francë me fanellën e Paris Saint-Germain. 25 vjeç, ai tashmë ka bërë më shumë se 60 paraqitje për Kombëtaren dhe do të shfaqet në Gjermani me shiritin e kapitenit në krah.

Lexo po ashtu Tre lojtarët më të vjetër që do të luajnë në Euro 2024 - kanë një të përbashkët

Ylli i Spanjës

Mesfushori i Manchester Cityt, Rodri do të drejtojë Spanjën në një kampionat europian që i sheh “furitë e kuqe” shumë në formë. Ai është ndër liderët e Cityt të Guardiolës dhe ka fituar gjithçka me skuadrën e Manchesterit në vitet e fundit. Ndër sukseset e tij të shumta, një Ligë të Kampionëve e fituar si protagonist. Një vit më parë ishte ai që shënoi golin e fitores ndaj Interit në finale.

Lexo po ashtu Si pritet të rreshtohet Italia kundër Shqipërisë në ndeshjen e parë për Euro 2024

Ylli i Kroacisë

Shumë menduan se ai do të tërhiqej nga Kombëtarja pas Botërorit Katar 2022, ku Krocia u rendit në vend të tretë, por në vend të kësaj, Luka Modric, futbollisti më i mirë në historinë e futbollit kroat, është ende në qendër të projektit të skuadrës së vendit të tij. 174 paraqitje për ekipin e tij kombëtar, gjashtë fitore në Champions League me Real Madrid, karriera e tij është histori më vete”./Super Sport