Izraeli nuk e mohon se mund të “përmbysë me ujë” tunelet e Hamasit

Ushtria izraelite, siç është raportuar ndërkohë, po shqyrton “përmbytjen me ujë” të tuneleve të Hamasit me ujë deti për t’i shkatërruar ato dhe për të vrarë çdo luftëtar brenda.

Dhe i pyetur për të komentuar raportet nga Sky News në një konferencë shtypi më herët sot, nënkoloneli Richard Hecht, zëdhënësi ndërkombëtar i IDF, nuk e mohoi se taktika ishte një opsion, përcjell Telegrafi.

“Unë e pashë atë raport. Ne po përdorim të gjitha gjërat që kemi për të trajtuar sistemet e tuneleve dhe kjo është gjithçka që mund të them në këtë fazë”, citohet të ketë thënë Hecht.

Lexo po ashtu Imazhe satelitore që tregojnë se ushtria izraelite ka 'filluar operacionet tokësore' në Gazën jugore

Siç vë në pah Sky News, zhvillimi u raportua për herë të parë në Wall Street Journal.

Sipas mediumit në fjalë, që citoi zyrtarë të paidentifikuar amerikanë, IDF ka ngritur pesë pompa në zonën al Shati në veri të Gazës.

Lexo po ashtu Izraeli u kërkon palestinezëve të evakuohen, por a është ndonjë vend i sigurt në Gaza?

Ato janë në gjendje të pompojnë mijëra metra kub ujë në tunele dhe mund t’i përmbytin brenda disa javësh.

Por Izraeli thuhet se është i shqetësuar se taktika mund të vrasë pengjet nëse ata mbahen brenda atyre tuneleve, kështu që ende po e vlerëson atë pasi mbledh më shumë informata.

Ata do të kenë parasysh gjithashtu dëmtimin e mundshëm të ndërtesave mbi tokë dhe tokës nga uji. /Telegrafi/