Mikrofoni me të cilin Cardi B gjuajti një fanse në koncert u shit për 90 mijë euro

Dy javë pasi reperja Cardi B mori vëmendjen e mediave pasi gjuajti me mikrofon një fanse, është shitur në eBay për pothuajse 90 mijë euro.

Mikrofoni u hodh në ankand nga pronari i një kompanie, i cili tha se të gjitha fitimet shkojnë për bamirësi.

Scott Fisher tha për CBS se fillimisht kishte shpresuar se oferta do të arrinte në katër mijë euro.

Videoja tregon reperen duke hedhur me mikrofon në drejtim të një fanse, e cila e kishte gjuajtur me pije gjatë një koncerti në Las Vegas.

Lexo po ashtu Cardi B nuk do të akuzohet për incidentin me mikrofon gjatë koncertit në Las Vegas

Policia ndërkohë ka thënë se ylli i famshëm nuk do të përballet me akuza.

Pamjet u bënë virale dhe mikrofoni doli në ankand fillimisht për 22 mijë euro.

Fisher tha se të ardhurat do të shkojnë për bamirësinë e veteranëve, Wounded Warrior Project dhe Friendship Circle Las Vegas, i cili lidh vullnetarët e rinj me personat me aftësi të kufizuara dhe nevoja të veçanta.

“Mendova se do të fitonte një vëmendje kombëtare, por sasia e mbulimit të lajmeve ka qenë tronditëse”.

Ai theksoi se kishte verifikuar që mikrofoni në shitje ishte me të vërtetë ai që përdorte Cardi në atë kohë. /Telegrafi/