Një person i armatosur hapi zjarr mbi civilët në një market të Walmart në shtetin amerikan të Virxhinia, duke vrarë 10 persona.
Ky burrë që besohet të jetë menaxheri i një lokali hapi zjarr mbi turmën, dhe më pas ia ktheu vetes tytën e armës duke kryer vetëvrasje, transmeton Telegrafi.
Në anën tjetër policia në qytetin Chesapeake, ka njoftuar se ka pasur të shtëna armësh që rezultuan me fatalitet.
Policia ka njoftuar gjithashtu se nga këto të shtëna kanë humbur jetën 10 persona, dhe disa tjerë janë plagosur.
Deri më tani nuk dihen motivet e këtij sulmi, ndërsa pamjet nga vendi i ngjarjes tregojnë njësi të shumta të policisë amerikane.
Zëdhënësi i policisë Leo Kosinski ka deklaruar para mediave se të shtënat besohet të kenë ndodhur brenda një dyqani, dhe se i dyshuari kishte vepruar i vetëm – pra nuk kishte person tjetër që e asistoi në këtë vrasje masive.
Në anën tjetër nga Walmart kanë bërë të ditur se janë “të shokuar më këtë ngjarje tragjike”, dhe se po punojnë ngushtë me forcat e rendit për të zbardhur rastin.
Një punonjës i Walmart ka dhënë disa detaje të këtij sulmi vdekjeprurës, duke theksuar se po largohej nga dhoma ku qëndron stafi, kur menaxheri filloi të hap zjarr mbi civilët.
🇺🇸 | URGENTE: La policía está respondiendo a múltiples muertes y lesiones dentro de una tienda de Walmart en Virginia, los funcionarios dicen que el gerente de Walmart comenzó a disparar contra varios empleados adentro del local.
pic.twitter.com/8OetZeQUhk— Alerta News 24 (@AlertaNews24) November 23, 2022
“Për fat të keq kemi humbur disa nga bashkëpunëtorët”, duke bërë të ditur se nuk e di saktë se për sa persona apo kolegë të tij bëhet fjalë që janë qëlluar nga menaxheri.
Zëdhënësja e spitalit Sentara Norfold, është cituar nga mediat lokale se të paktën pesë persona janë trajtuar në spitalin ku ajo punon.
Një grua tha për Wavy TV se vëllai i saj, një nëpunës 20-vjeç i atij dyqani, ishte qëlluar vetëm 10 minuta pasi kishte nënshkruar kontratë me këtë kompani.
Një grua tjetër e identifikuar si Joetta Jeffrey tha për CNN se e ëma e saj ishte brenda ndërtesës kur filloi sulmi dhe se kishte arritur t’i dërgojë mesazh. Ajo theksoi se ëma e saj nuk është lënduar, por është e shokuar me atë çfarë ka ndodhur.
Mark Warner, senator demokrat në shtetin e Virginia, ka shkruar në Twitter se është “tmerruar nga raportimi i të shtënave masive”.
Edhe senatori tjetër demokrat Louise Lucas, tha se “është e tmerrshme ajo çfarë ka ndodhur”. /Telegrafi/
Nga Pixels
Nga Albed
Nga Petrol Company
Nga Auto Mita
Lufta Prigozhin - Putin
Më shumë
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Franca dërgon ushtrinë në Kaledoninë e Re, të paktën katër të vdekur
Vrasjet dhe tentativat për vrasje të liderëve në Evropë
Kryeministri sllovak është në gjendje të flas dy-tre fjalë në telefon - kush ishte zyrtari i parë me të cilin bisedoi Robert Fico
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë