LAJMI I FUNDIT:

Kryeministri sllovak është në gjendje të flas dy-tre fjalë në telefon – kush ishte zyrtari i parë me të cilin bisedoi Robert Fico

Kryeministri sllovak është në gjendje të flas dy-tre fjalë në telefon – kush ishte zyrtari i parë me të cilin bisedoi Robert Fico

Kryeministri sllovak, Robert Fico i shpëtoi vdekjes “për një fije floku”, tha presidenti i zgjedhur, duke zbuluar se nëse plagët me armë zjarri që mori në sulmin e djeshëm do të ishin vetëm disa milimetra në drejtim tjetër, ai do të kishte vdekur.

Publikohen pamjet e momentit të atentatit ndaj kryeministrit sllovak
Lexo po ashtu Publikohen pamjet e momentit të atentatit ndaj kryeministrit sllovak

Duke folur jashtë spitalit ku po trajtohet Fico, Peter Pellegrini tha se kryeministri po jeton “orët dhe ditët më të këqija të jetës së tij”.

Pellegrini shtoi se kishte folur me kreun e qeverisë në spital, por gjendja e tij “mbetet shumë e rëndë” pasi u qëllua disa herë në një atentat në tentativë.


“Ai mund të flasë, por vetëm disa fjali pas të cilave ai lodhet vërtet sepse është nën mjekim”, tha presidenti i zgjedhur para gazetarëve në një konferencë që mbajti me presidenten aktuale, Zuzana Çaputova.

Sulmi vjen pasi fushata politike nxehet tre javë përpara zgjedhjeve në mbarë Evropën për të zgjedhur anëtarët për Parlamentin Evropian.

Fico ka qenë prej kohësh një figurë përçarëse, raporton skynews.

Flet i dyshuari që plagosi kryeministrin sllovak - tregon motivin pse e kreu atentatin ndaj Ficos
Lexo po ashtu Flet i dyshuari që plagosi kryeministrin sllovak - tregon motivin pse e kreu atentatin ndaj Ficos

Rikthimi në pushtet vitin e kaluar me një biletë pro-ruse, anti-amerikane shkaktoi shqetësime midis anëtarëve të BE-së dhe NATO-s se ai do ta largonte vendin nga rrjedha kryesore perëndimore.

Ndryshe, Fico u plagos jashtë një qendre kulturore në qytetin Handlova, rreth 135 kilometra në verilindje të kryeqytetit Bratislava, ku kryeministri 59-vjeçar po takonte mbështetësit pas një mbledhje të qeverisë. /Telegrafi/