Formacioni i xhiros së parë në Ligën e Kampionëve, nuk ka vend për dyshen Mbappe – Haaland

Ka përfunduar xhiro e parë në garën më të madhe evropiane për klube, Ligën e Kampionëve.

Ka qenë një xhiro me plot rezultate interesante, por që nuk kanë munguar edhe befasitë.

Skuadrat e mëdha si Barcelona, PSG, Manchester City, Real Madrid, Bayern Munich, Napoli, Borussia Dortmund e Ajax kanë marrë fitore të pritura.

Ndërkohë në xhiron e parë janë mposhtur ekipe tjera të mëdha si Chelsea, Liverpool, Inter e Juventus, derisa AC Milan u nda baras me Salzburgun.

Tanimë faqja zyrtare e Ligës së Kampionëve ka publikuar edhe formacionin më të mirë të javës.

Në portë është Livakovic i Dinamo Zagreg, derisa mbrojtja përbëhet nga Alex Grimaldo, Ruben Dias, Sylla dhe Joao Cancelo.

Në mesfushë ka vend për Edwards të Sporting Lisbonës, Zielinskin të Napolit dhe Kudus të Ajaxit.

Ndërkohë në repartin e sulmit është Leroy Sane që i vetëm e mposhti Interin, Robert Lewandowski dhe Marian Shved.

Edhe pse shkëlqyen me nga dy gola, në xhiron e parë nuk ka vendin në foramcionin më të mirë për dyshen Kylian Mbappe e Erling Haaland.  /Telegrafi/

Stars of the show on Matchday 1 🙌#UCLTOTW | @PlayStationEU

— UEFA Champions League (@ChampionsLeague) September 8, 2022