Babai i lidh me ‘zinxhir’ pesë fëmijët teksa ecë rrugëve të qytetit

Babai i pesë fëmijëve, Jordan Driskell ndezi një debat të nxehtë pasi ndau një video në Instagram ku shihet duke ecur me pesëvjeçarët e tij.

Edhe pse ai përdor zinxhirin për t’u siguruar që asnjë i vogël të mos ikë, të endet apo të humbasë, njerëzit e kanë dënuar atë.

Pamjet tregojnë Jordanin duke mbajtur pesë litarë, secili i lidhur me një rrip të mbajtur nga njëri prej fëmijëve të tij.

“Kur njerëzit më gjykojnë për përdorimin e zinxhirëve për fëmijët e mi. Ejani të ecni një milje me këpucët e mia”, shkroi Jordan, videoja e së cilës u bë shpejt virale dhe pati shumë debate.

View this post on Instagram

A post shared by DRIX (@drixxleman)

“Më mirë është të parandalosh sesa të kurosh. Po të kisha kaq shumë fëmijë, do të bëja të njëjtën gjë”, “Me pesë fëmijë, ke nevojë për këtë. Ti je një prind i përgjegjshëm”, “Meqenëse dyvjeçari im u përpoq të përplasej me rrugë, ne përdorim edhe zinxhir”, “E shihni që siguria e fëmijëve është prioritet, bravo babi”, i shkruanin ata që besojnë se zinxhirët nuk i dëmtojnë në asnjë mënyrë fëmijët.

Megjithatë, ka shumë të tjerë që nuk janë në favor të kësaj metode dhe sulmuan Jordanin për trajtimin e fëmijëve si kafshë.

“A janë shpëtuar ata nga rruga”, “Ata janë njerëz, jo qen. Po t’u mësosh sjelljen e rrugës”, “Herën tjetër do t’i stërvitësh për të tërhequr një sajë”, “Do të ishte më e lehtë të mos kishe kaq shumë fëmijë “, thonë ata.

Jordan shpjegoi për Today se fëmijët janë kureshtar dhe u pëlqen të ikin dhe të eksplorojnë. Litarët e ndihmojnë atë dhe gruan e tij “të ruajnë qetësinë e tyre shpirtërore dhe sensin e shëndoshë”. /Telegrafi/

View this post on Instagram

A post shared by DRIX (@drixxleman)