Vinicius Jr kopjon Dani Alvesin, kërcen dhe shmang shkeljen e stemës së Real Madridit

Vinicius Junior refuzoi të shkelte stemën e Real Madridit që është shtypur në fushën e Santiago Bernabeu, pasi kërceu lartë në vend që të shkelte mbi të, njësoj sikurse bëri Dani Alves para disa ditësh me stemën e Barcelonës.

Skuadra e Carlo Ancelottit priti Valencian të shtunën në mbrëmje dhe fitoi me rezultat të thellë 4-1 përballjen e vlefshme për javën e 20-të në La Liga.

Vinicius shënoi dy herë në pjesën e dytë për të vazhduar formën e tij të mirë, por diçka tjetër ra në sy të tifozëve madrilen.

Ndërsa ndiqte një top që kishte dalë jashtë loje, 21-vjeçari kërceu mbi stemën e klubit në një përpjekje për të mos e shkelur atë.

Ky gjest i brazilianit është vlerësuar lartë nga tifozët e klubit mbretëror, të cilët e kanë pëlqyer.

That’s mentality right there! Playing for the badge. What you believe in. Vinicius is a rising star 🌟 pic.twitter.com/H1gWqHzdLh

— I.M.HDK 🏴‍☠️ (@Mr_Hammad1168) January 9, 2022

“Vinicius me të vërtetë do të bëhet një legjendë për këtë”, “Mendova se isha i vetmi që e pashë këtë, respekt i çmendur” dhe “Kjo do të thotë shumë për të në një moshë kaq të re”, ishin disa nga komentet e tifozëve.

Ndryshe, ky gjest i brazilianit vjen vetëm disa ditë pas atij të bashkëkombësit të tij Dani Alves.

Alves njësoj sikurse Vinicius kërceu mbi stemën e Barcelonës, duke mos e shkelur atë në shenj respekti, ndërsa gjesti i tij u kopjua edhe nga i riu i ekipit, Nico. /Telegrafi/

Vinicius jumped because he didn’t want to step on the Real Madrid logo.

Respect 📈 pic.twitter.com/Bjcgq9KyA9

— ESPN FC (@ESPNFC) January 8, 2022