Intervistë me Shqiprim Berishën, drejtori shqiptar në krye të gjigantit zviceran Grasshoppers
Jemi mësuar që të shkruajmë për futbollistë të ndryshëm shqiptarë që kanë lënë gjurmë të mëdha në futbollin zviceran.
Grasshoppers Zurich është padyshim klubi më i madh në Zvicër, me 27 tituj kampioni e 19 Kupa të Zvicrës.
Por tanimë ka dy vite që në krye të kësaj skuadre është një shqiptar, me një pozitë shumë të lartë menaxhuese.
Fjala është për Shqiprim Berishën, djaloshi nga Gjakova që aktualisht është drejtor menaxhues tek skuadra më e madhe zvicerane, Grasshoppers.
Berisha për një kohë ka mbajtur pozitën edhe të drejtorit sportiv tek kjo skuadër dhe ka arritur sukses shumë të madh duke e rikthyer GC-në në elitën e futbollit zviceran.
Gjatë vizitës së Telegrafit në Zvicër, kemi bërë një intervistë ekskluzive me Shqiprim Berishën, i cili na priti në stadiumin legjendar ‘Letzigrund’, duke folur për shumë gjëra.
Berisha për Telegrafin ka thënë se është shumë i lumtur që ka një pozitë të tillë te Grasshopper, derisa falë tij në këtë klub po vazhdon shkëlqimi edhe i futbollistëve shqiptarë.
“Për mua personalisht është një avantazh i madh sepse kam mundësi t’i ndihmojë edhe shqiptarëve. Shqiptarët në Zvicër kanë arritur shumë, jo vetëm në futbolli, por edhe në ekonomi të Zvicrës kanë pozita shumë të larta. Unë e shoh vetën këtu në shërbim të popullit të GC-së”.
“Jam krenar që jam pjesë e klubit më të madh zviceran dhe mund t’i ndihmojë edhe futbollistëve shqiptarë”, tha fillimisht Shqiprim Berisha për Telegrafin.
Tutje Berisha ka treguar edhe për futbollistët shqiptarë që ka në klubin që udhëheq, duke thënë se vetëm në ekipin e parë ka gjashtë futbollistë shqiptarë.
“Për momentin kemi gjashtë futbollistë shqiptarë në ekipin e parë si Lenjanin, Abrashin, Demhasajn, Hoxhën, Uka e Kacuri”, tha Berisha.
Berisha tregoi se nga ekipi A deri në U-7 të Grasshoppersit ka shumë lojtarë shqiptarë, ku nga secila grupmoshë janë rreth dy deri në katër futbollistë shqiptarë.
Tek kjo skuadër e madhe zvicerane, aktualisht kapiten i saj është mesfushori fantastik shqiptar, Amir Abrashi.
Berisha ka treguar se e përcjell edhe futbollin kosovar dhe se në të ardhmen mund të ketë edhe lojtarë nga Kosova që do t’i bashkohen GC-së.
39-vjeçari thotë se ka marrëdhënie shumë të mira me menaxherë të ndryshëm shqiptarë, por më së miri qëndron me Erdin dhe Arbër Shaqirin, dy agjentë tejet të suksesshëm që menaxhojnë shumicën e yjeve shqiptarë si Xherdan Shaqiri, Florent Hadergjonaj, Albian Ajeti, Amir Abrashi, Ermir Lenjani e të tjerë.
Dëshira e madhe e Berishës ishte që ta transferojë mesfushorin portugez Joao Moutinho te GC, por ajo nuk ishte e mundur falë edhe pagës shumë të lartë që fiton mesfushori në Wolverhampton.
Aktualisht GC është nën pronësinë e investitorëve nga Kina të cilët janë pronarë edhe të skuadrës angleze Wolverhampton Wanderers.
Gjakovari është një bashkëpunëtor shumë i madh i agjentit të famshëm portugez Jorge Mendes, derisa thotë se në momentin që Ronaldo të vendoste të largohej nga Manchester United do të tentonte ta binte në GC, edhe pse një gjë e tillë është thuajse e pamundur, pasi sipas Berishës CR7 do të rikthehet te Sporting.
Një transferim të madh mund ta bëj ai te GC dhe ai është Xherdan Shaqiri. Berisha thotë se do të tentojë në të ardhmen që Shaqirin ta sjell në qytetin e bukur të Zurichut në momentin që ai vendos të rikthehet në Zvicër.
Për më shumë ndiqeni video intervistën e agjentit të suksesshëm shqiptar në krye të Grasshoppersit. /Telegrafi/
Promo
Reklamo këtuLufta Prigozhin - Putin
Më shumëRekordi i pabesueshëm që ka thyer Messi pas paraqitjes heroike ndaj New York RB, asnjë futbollist në histori nuk e ka arritur këtë
Skuadrat që përfitojnë më shumë nga fanellat e tyre – askush nuk mund të mposhtë numrin 1
Inzaghi gëzon tifozët e Interit me transfeirmin e ri: Po, ai ka nënshkruar me ne
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Xavi me deklaratë absurde: Ishim superiorë këtë edicion ndaj Gironës dhe Real Madridit
"Mjekët më thanë se së shpejti do të vdes", Ish-portieri gjerman tregon sëmundjen e rëndë me të cilën po përballet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak