Rio Ferdinand i hutuar me emrin e njërit nga sfiduesit për Topin e Artë, anglezi gjithashtu zbulon favoritin

Legjenda e Manchester Unitedit, Rio Ferdinand ka thënë se e “çudit” fakti se si ylli i Chelseat, Jorginho është njëri nga sfiduesit kryesor për çmimin më të madh individual ‘Topin e Artë’ të vitit 2021.

Jorginho shijoi një sezon të suksesshëm me Chelsean që kulmoi me triumfin e Bluve në Ligën e Kampionëve, ndërsa vazhdoi me trofe duke fituar Euro 2020 me Italinë.

29-vjeçari, i cili u emërua në listën e ngushtë me 30 lojtarë për Topin e Artë, ka pranuar se ai mund të sfidojë të gjithë për çmimin që dhurohet nga France Football.

Megjithatë, vetëm katër për qind e tifozëve votuan për yllin e Chelseat për të fituar Topin e Artë në një sondazh të BT Sport.

Superylli i Paris Saint-Germain, Lionel Messi u votua 51 për qind, ndërsa sulmuesi i Bayern Munichut, Robert Lewandowski, doli i dyti me 26 për qind dhe Mohamed Salah i Liverpoolit që përfundoi përpara Jorginhos me 19 për qind të votave.

Duke folur për BT Sport, Ferdinand pohoi se Jorginho “nuk është lojtari më i mirë në Chelsea” dhe “jo emri i parë në skenën e ekipit me Italinë”.

“Emri i Jorginho më huton. Ai nuk është lojtari më i mirë në Chelsea dhe nuk është emri i parë në skenën e ekipit as me Italinë”, ka thënë fillimisht Ferdinand për BT Sport.

“The Jorginho one baffles me… He’s not the best player at Chelsea and he’s not the best name on the sheet with Italy either!”@themichaelowen and @rioferdy5 discuss candidates for this year’s Ballon d’Or 🏆

Is Robert Lewandowski most deserving? 🔴#UCLTONIGHT pic.twitter.com/pQ4BBAhBik

— Football on BT Sport (@btsportfootball) November 3, 2021

“Ai është një lojtar shumë i mirë dhe nuk po përpiqem të tregoj mungesë respekti, por nuk e shoh se si ai futet në listë me ata lojtarë në nivelin në të cilin ata kanë luajtur”.

“Nëse e shikoni Chelsean në prag të fitimit të Ligës së Kampionëve, mendoj se Kante ishte lojtari i ndeshjes në pesë nga gjashtë ndeshjet e fundit, kështu që më huton emri i Jorginhos”.

“Ai ka fituar dy nga trofetë e mëdhenj, e kuptoj, por kur e vendos kundër katër lojtarëve të tjerë aty, nuk ka kuptim për mua”.

Ferdinand beson se Lewandowski, i cili ishte favorit për të fituar Topin e Artë 2021 para se të anulohej, duhet ta fitojë çmimin përpara Messit dhe Jorginhos.

“Unë mendoj se këtë vit, Lewandowski e meriton. 56 përfshirje në gola në 38 ndeshje është çmenduri. Këto janë numrat e Cristiano Ronaldos dhe Messit në të kaluarën”, përfundoi ish-mbrojtesi anglez.

Ndryshe, fituesi i Topit të Artë 2021 do të zbulohet në Theatre du Chatelet në Paris më 29 nëntor. /Telegrafi/