Rezultatet e zgjedhjeve lokale në shtatë qendrat e mëdha: LVV kryeson në tri qytete, PDK në dy, LDK e AAK me nga një

LVV kryeson në Prishtinë, Gjilan e Prizren, PDK në Ferizaj e Mitrovicë, LDK në Pejë dhe AAK në Gjakovë.

Qytetarët e Kosovës sot kanë votuar në zgjedhje lokale.

Në orën 19:00 janë mbyllur qendrat e votimeve, derisa po vijon procesi i numërimit të votave në shumicën e komunave.

Derisa gara pothuajse është e mbyllur në tri komuna të mëdha, në katër qendra tjera rajonale gara mbetet shumë e fortë, përcjell Telegrafi.

Në Prishtinë kur janë numëruar rreth 36% e votave Arben Vitia i LVV-së prin me rreth 43% të votave të fituara.

Arben Vitia (LVV) – 12.958 vota apo 42,71%

Përparim Rama (LDK) – 8.935 vota apo 29,45%

Uran Ismaili (PDK) – 6.272 vota apo 20,67%

Në Prizren kur janë numëruar rreth 60% të votave Mytaher Haskuka i LVV-së shkon në balotazh me kandidatin e PDK-së, Shaqir Totaj.

Mytaher Haskuka (LVV) – 14.103 vota apo 41,73%

Shaqir Totaj (PDK) – 10.328 vota apo 30,56%

Anton Quni (LDK) – 4.970 vota apo 14,71%

Mbi 71 për qind të votave janë numëruar edhe në Komunën  e Pejës, ku kandidati i Lidhjes Demorkatike të Kosovës, Gazmend Muhaxheri po prinë me mbi 60 për qind të votave.

Gazmend Muhaxheri (LDK) – 16.387 vota apo 60,43%

Gazmend Agusholli (LVV) – 6.101 vota apo 22,50%

Rrustem Berisha (AAK) – 4.414 vota apo 16,28%

Kandidati i Partisë Demokratike të Kosovës, Bedri Hamza po prin bndshëm me vota në Mitrovicën e jugut, teksa në këtë komunë janë numëruar rreth 90 për qind të votave.

Bedri Hamza (PDK) – 14.827 vota apo 54,45%

Agim Bahtiri (LVV) – 9.240 vota apo 33,93%

Armend Agolli (LDK) – 3.165 vota apo 11,62%

Në Ferizaj janë numëruar rreth 75% të votave, derisa kandidati i PDK-së ka një avantazh të theksuar ndaj kandidatëve tjerë.

Agim Aliu (PDK) – 22.870 vota apo 62,91%

Valon Ramadani (LVV) – 9.191 vota apo 25,28%

Sibel Halimi (LDK) – 3.435 apo 9,45%

Mbi 67% e votave të numëruara në Gjilan, kandidati i LVV-së ka një epërsi ndaj atij të LDK-së që sipas të gjitha gjasave do të shkojnë në balotazh.

Alban Hyseni (LVV)  – 12.430 vota apo 45,55%

Lutfi Haziri (LDK) – 11.719 vota apo 42,94%

Leonora Morina Bunjaku (PDK)  – 2.262 vota apo 8,29%

Në Gjakovë janë numëruar mbi 55% të votave, derisa Ardian Gjini i AAK prin me 10% ndaj kandidates së LVV-së, Mimoza Kusari.

Ardian Gjini (AAK) – 10.998 vota  apo 48,06%

Mimoza Kusari Lila (LVV) – 8.844 vota apo 38,65%

Ferdinand Kolaj (PSHDK) – 1.111 vota apo 4,86%

Rezultatet në kohë reale mund t’i ndiqni në sajtin zyrtar të KQZ-së./Telegrafi/