Andrra me dedikim për Sinanin në ditëlindjen e 46-të: Ditët e mia, prej se të kam parë njohin vetëm trajektoren e lumturisë

Këngëtari i njohur nga Shqipëria, Sinan Hoxha, feston sot (e diel) ditëlindjen e 46-të.

Me këtë rast urimet kanë qenë të shumta, ndërsa një të veçantë e ka pranuar nga bashkëshortja e tij, Andrra Destani.

Kjo e fundit ka ndarë një set fotografish krahas partnerit duke shprehur kështu dashurinë e madhe që ka ndaj tij.

“Zhytem çdo ditë në thellësinë e syve të tu, përhumbem teksa lexoj dashurinë e jetës në to! Ditët e mia, prej se të kam parë, njohin vetëm trajektoren e lumturisë. Kam privilegjin, të gëzoj familjen që më fale, strehen tonë të dashurisë që na ngroh zemrat nën bekimin e dy engjëjve tanë”.

Lexo po ashtu Të gjitha lajmet nga Sinan Hoxha

“Të dua sa s’mund ta them e as të shkruaj, të dua çdo çast e më shumë, në çdo frymëmarrje, në çdo përkëdhelje, në çdo puthje. Gëzuar ditëlindjen, festa ime e jetës”, ka shkruar ajo.

View this post on Instagram

A post shared by 𝒜 𝓃 𝒹 𝓇𝓇 𝒶 (@andrradestani)

Çifti ndajnë së bashku dy fëmijë: një djalë dhe një vajzë.

Sinani nga ana tjetër po vazhdon karrierën dhe këtë verë ka qenë mjaft i pranishëm në dasma e ahengje muzikore. /Telegrafi/

View this post on Instagram

A post shared by 𝒜 𝓃 𝒹 𝓇𝓇 𝒶 (@andrradestani)