Barcelona ia ofron tri skuadrave të mëdha Pjanicin, por dy nga to refuzojnë mesfushorin boshnjak

Miralem Pjanic ka qenë një dështim i madh te Barcelona duke mos arritur të lë gjurmë.

Vetëm pas një viti qëndrim në Camp Nou, Pjanic do të largohet nga Barcelona këtë verë.

Gjiganti katalunas e ka nxjerr në shitje yllin e saj dhe shpreson të vijë ndonjë ofertë e mirë për të.

Ka qenë gazeta gjermane Sport Bild që ka zbuluar se katalunasit ia kanë ofruar tri skuadrave të mëdha boshnjakun.

Chelsea, Bayern Munich dhe PSG janë ekipet që i është ofruar mesfushori boshnjak nga drejtuesit e Barcelonës.

Por kampioni i ri i Evropës dhe kampioni gjerman kanë hedhur poshtë propozimin e katalunasve duke mos shprehur interesim për Pjanicin.

PSG nga ana tjetër kanë shprehur interesim për të nënshkruar me boshnjakun gjatë verës dhe pritet të fillojnë bisedimet me Barcelonën për të.

Barça synon që të fitojë 35 milionë euro nga shitja e Pjanic, derisa parisienët duan që ta transferojnë për më pak para.

31-vjeçari këtë edicionk a zhvilluar 29 ndeshje zyrtare me Barcelonën, por që nuk ka arritur të shënojë ose asistojë ndonjë gol. /Telegrafi/