Në platformën tashmë të popullarizuar TikTok, njerëzit ndajnë video të ndryshme duke vallëzuar, aktruar apo duke bërë budallallëqe të ndryshme.
Por mafia italiane që përmes TikTokut lavdërohet me luksin dhe pushtetin që e ka, tenton ta prezantojë veten si “cool” – duke rekrutuar në këtë mënyrë shumë të rinj, transmeton Telegrafi.
Një video 30 sekondëshe tregon fuqinë e krimit të organizuar: nën tingujt e muzikës së “shpirtit” njerëzit e Napolit, shihet edhe një grup prej 50 motoçiklistëve që “marshojnë” rrugëve të qytetit që kanë pak ndriçim. E nëse dikush nuk e ka të qartë për çfarë bëhet fjalë – aty është edhe simbol i mafias lokale – apo klanit të Camorras.
“TikTok është bërë shumë i rëndësishëm për mafian. Me video të tilla ku shihen të rinjtë – pjesëtarë të klanit duke dërguar porosi: ne këtu jemi shefa”, shpjegon Marcelo Raveduto nga Universiteti i Salernos. Ai prej vitesh studion çdo veprim të mafias.
Ngjashëm mendon edhe gjykatësi i lartë shtetëror i Italisë, Frederico Kafiero de Raho, lidhur me rastet e krimit të organizuar.
“Është një fenomen që çdo herë e më shumë është vërejtur muajve të fundit. Edhe pse nuk shfaqen skena të dhunshme, qëllimi i tyre është të tregojnë prezencën dhe fuqinë e tyre. Për këtë po i përdorin platformat siç është TikTok”, ka paralajmëruar ai gjatë një interviste dhënë për Republica.
Platforma kineze nuk është edhe aq e filtruar, aty postohet gjithçka – por rrallë herë ka skena të dhunës. Videoja e Camorras, përveç pushtetit, rinisë i tregon edhe diçka: ne jemi “cool”, këtu është ekipi i vërtetë.
Në video tjera, anëtarët e rinj të mafias lavdërohen me rroba të shtrenjta, vetura të shpejta dhe apartamente luksoze. Më së shpeshti në sfond dëgjohen këngë nga jugu i Italisë ku i këndohet dashurisë dhe lirisë, por edhe për respektin ndaj familjes.
Ekspertët e kriminalistikës në i çudit fakti që mafia çdo herë e më shumë po e përdor TikTokun. Kjo platformë po bëhet më e popullarizuar tek të rinjtë, kurse mafia e di që po ec me kohën.
Sipas profesorit Raveduto, rrjetet sociale për mafian është një lloj arme siç është revolja.
“Është një armë e rrezikshme sepse krijon hapësirë për reklamim dhe avancimin e tyre. Me muzikën që e përdorin në video, duken plotësisht të zakonshme, në tren dhe tërheq vëmendjen e të rinjve”, ka shtuar Raveduto.
Në një video tjetër një i ri i maskuar lavdërohet se si çdo ditë fiton nga 300 euro duke bërë rolin e rojës për mafian. Ka video tjera në TikTok, ku mafiozët që janë dënuar me arrest shtëpiak, në mënyrë demonstrative bërtasin.
“Paraqiten sikur kanë një jetë më ndryshe nga të tjerët. Imazhet që ata i shfaqin, të rinjtë duken paksa arrogant dhe në një mënyrë dërgojnë porosi se jeta e rëndomtë nuk çon te suksesi”, ka shtuar profesori italian.
E gjykatësi De Raho thotë se është shumë e vështirë të luftohet kundër propagandave të tilla të mafias në TikTok. Sipas tij nuk është se paraqesin ndonjë skenë të dhunshme, por ata thjesht lavdërohen me fuqinë e pasurinë që e kanë. Nuk ka ndonjë ligj që e ndalon këtë. /Telegrafi/
Promo
Reklamo këtuLufta Prigozhin - Putin
Më shumëVetëm dy vende do të mbijetonin pas apokalipsit bërthamor - çka do t'i shpëtonte këto shtete
Demografia evropiane - cili shtet ka natalitetin më të lartë dhe ku qëndron Kosova?
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Ky ishte sundimtari më i pasur në historinë e botës - ekspertët "ringjallën" gjyshin e Tutankhamun
Pasi kaluan 12 ditë prej dasmës, indoneziani kuptoi se ishte martuar me një burrë - por kjo nuk është pjesa më e çuditshme e historisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore