Kanë përfunduar pesë ndeshjet e xhiros së 13-të në elitën e futbollit kosovar.
Kjo xhiro u karakterizua me numër të madh të golave, ku u thye edhe rekordi me 19 gola të realizuar.
Ishte një javë që i takoi skuadrave vendase që fituan katër nga to, ndërsa vetëm kampioni në fuqi i Kosovës, Drita triumfoi në udhëtim.
Prishtina dhe Ballkani u rikthyen te fitoret pasi mposhtën Trepçën ’89 respektivisht Llapin me rezultat identik 4-2.
Ndërkohë fitore minimale 1-0 realizuan edhe Feronikeli e Gjilani që triumfuan ndaj Arbërisë dhe Drenicës.
Kampioni në fuqi i Kosovës, Drita ka mposhtur lehtësisht Besën e Pejës në udhëtim 1-4.
Si gjithnjë, redaksia e sportit në Telegrafi.com ka zgjedhur edhe formacionin më të mirë të javës.
Portier:
Florian Smakiqi u rikthye në formacionin titullar te Feronikeli dhe ndaj Arbërisë ka shkëlqyer. Portieri i Kosovës U21 bëri disa pritje fantastike duke mbajtur të paprekur portën e tij.
Mbrojtja:
Besnik Krasniqi ka shkëlqyer për Prishtinën ndaj Trepçës ’89, ku shënoi edhe një gol të jashtëzakonshëm. Në këtë takim në repartin defensivë te Prishtina u dallua edhe Lumbardh Dellova me ndërhyrje të sakta e shumë të sigurta.
Franc Veliu ka lënë mbrapa lëndimin dhe është rikthyer si lider te Gjilani, ku ishte i pakalueshëm në përballje ndaj Drenicës. Ndërkohë në krahun e majtë të mbrojtjes në formacionin e javës rikthehet Arbër Potoku. Mitrovicasi ishte i jashtëzakonshëm ndaj Llapit ku ndihmoi skuadrën e tij të fitoi me rezultat 4-2.
Mesfusha:
Albert Dabiqaj ishte hero i Feronikelit në përballje me Arbërinë. Mesfushori nga Deçani ishte fantastik në mesfushë duke dominuar ndaj kundërshtarëve, por edhe shënoi golin e vetëm në fitoren e ‘Industrialistëve’ 1-0. Si mesfushor defensivë zë vend edhe Keita Aziz që shkatërronte pafundësisht aksionet e Drenicës dhe është ndër më meritorët për triumfin e Gjilanit 1-0 ndaj Drenicës.
Guathier Mankenda po kalon një sezon fantastik më Prishtinën dhe forma e tij e mirë u vërejt edhe ndaj Trepçës ’89. Afrikani ishte i pandalshëm në repartin ofensivë nga mbrojtësit mysafirë teksa shënoi edhe një gol të bukur. Në krahun e djathtë zë vend veterani i Dritës, Astrit Fazliu. Për ferizajasin vlen thënia sa më i vjetër aq më i mirë, pasi ai shënoi dy gol ndaj Besës dhe bëri një ndeshje të madhe.
Nazmi Gripshi është padyshim njëri nga mesfushorët ofensivë më të mirë në futbollin kosovar. Ish-anëtari i Skënderbeu ishte fantastik për Ballkanin ku shënoi dy gola ndaj Llapit në fitoren 4-2.
Sulmi:
Betim Haxhimusa ka shpaguar besimin e trajnerit Ardian Nuhiu në takim ndaj Besës. Sulmuesi ferizajas shënoi dy gola të bukur, por u dallua edhe në pjesë të tjera të fushës. Haxhimusa me formën e mirë që po kalon ia vështirëson trajnerit Nuhiu zgjedhjen për pozitën e qendërsulmuesit te Drita.
Trajneri i javës:
Ismet Munishi ka udhëhequr Ballkanin e tij në një tjetër fitore në kampionat. Edhe pse kishin për kundërshtar një skuadër të vështirë si Llapi, skuadra e tij shënoi katër gola të shpejtë në pjesën e parë duke siguruar fitoren. /Telegrafi/
Lufta Prigozhin - Putin
Më shumëNga Rubrika
Tjetër ndeshje, tjetër gabim fatal – Andre Onana përsëri fytyra tragjike e Manchester Unitedit
Nëntë pritje dhe nota më e lartë, shkëlqimi i Arijanet Muric që i vetëm ndali Manchester Unitedin
Milani nis bisedimet për transferimin e mbrojtësit veteran të Aston Villës
Salah dhe Klopp përfshihen në një përplasje të furishme verbale – egjiptiani duhej të qetësohej nga Nunez
Salah pyetet për përleshjen me Kloppin – jep një përgjigje të shkurtër, por të ashpër
Jurgen Klopp thyen heshtjen me një përgjigje të qartë lidhur me debatin e ashpër me Salahun
Driblimi magjik i Arda Guler ndaj Javi Galan ka pushtuar rrjetet sociale
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Barcelona ndryshon mendim për Joao Felix dhe Joao Cancelo
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë