“Ministria e Ekonomisë do të kërkojë nga Komisioni i Sëmundjeve Infektive t’i lehtësojë protokollet për ardhjen e mërgimtarëve në vend gjatë verës, por Qeveria do t’i miratojë propozimet e Komisionit sepse ato janë institucioni më i kompetent në kushte pandemie dhe rekomandimet e tyre bazohen në prova shkencore”.
Këtë e tha sot ministri i Ekonomisë Kreshnik Bekteshi, i cili shtoi se si ministri kanë dhënë disa sugjerime dhe ide se si duhet të jenë protokollet për ardhjen e mërgimtarëve, përcjell Telegrafi Maqedoni.
“Si Ministri e Ekonomisë, unë si ministër dhamë sugjerime dhe idetë tona se si duhet të jenë protokollet dhe çfarë parashikohet në ato protokolle në zona të ndryshme sepse ardhja e mërgimtarëve në vend gjatë verës është shumë e rëndësishme për ekonominë e vendit, por ne do të respektojmë rekomandimet që do t’i jap Komisioni. Ne sigurisht që do të flasim hapur dhe në mënyrë transparente për sigurinë shëndetësore të mërgimtarëve që do të vijnë në vend për t’u siguruar nga autoritetet, por në të njëjtën kohë do të ofrojmë mundësi për funksionimin normal të ekonomisë së vendit”, tha Bekteshi, duke u përgjigjur në pyetjen nëse mërgimtarët do të duhet të jenë në karantinë 14-ditore pas ardhjes në vend.
Ai potencoi se mërgimtarët gjatë verave të kaluara në vend kanë shpenzuar mbi një milionë euro.
“Ndikimi negativ që mund të ketë mos ardhja e emigrantëve në Maqedoninë e Veriut do të jetë sigurisht shumë i madh, por ne po bëjmë përpjekje maksimale, duke u nisur nga aspekti shëndetësor që këtë verë do të na japë mundësinë sa është e mundur më lehtë ato të vijnë në vendlindjet e tyre. Jam i bindur që qytetarët do t’i respektojnë masat e miratuara nga Qeveria – duke mbajtur distancën, por në të njëjtën kohë edhe të gjitha rekomandimet e tjera që do t’i lehtësojmë deri në mes të korrikut, pa kapërcyer procedurat si vetizolimi, karantina, etj”, tha Bekteshi.
Ndryshe, me vendim të Qeverisë së Maqedonisë së Veriut prej sot janë hapur kalimet kufitare, përveç aeroporteve, ndërsa qytetarët që duan të hyjnë në Maqedoni duhet të kenë test të vlefshëm negativ për coronavirus dhe të qëndrojnë 14 ditë në izolim shtëpiak./Telegrafi/
Lufta Prigozhin - Putin
Më shumëThemelorja konfirmon aktakuzën ndaj Agron Mustafës, ngarkohet se i shkaktoi dëm afër 7 milionë euro Telekomit
Kurti optimist, shpjegon se si do ta menaxhojë sfidën për anëtarësimin e Kosovës në Këshill të Evropës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Plagosen dy persona në Ferizaj
Takimi i Kurtit me Baerbock, Ministria e Jashtme Gjermane: U diskutua se si t’i hapet rruga anëtarësimit të Kosovës në Këshill të Evropës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë