Real Madridi fiton El Clasicon fantastik ndaj Barcës dhe rimerr kreun e La Ligas

Real Madridi e ka mposhtur Barcelonën në El Clasicon që u zhvillua në kuadër të javës së 26-të në La Liga me rezultat 2-0.

Blaugranasit e filluan më mirë takimin, pasi kishin dominimin e topit dhe shanset për të shënuar gol.

Lionel Messi dhe Antoine Griezmann kishin shanset më të mira, mirëpo nuk arritën t’i konkretizonin ato.

Në 45 minutëshin e dytë, madrilenët kishin një tjetër fytyrë, duke krijuar më shumë raste dhe kishin lojën më nën kontroll.

Ishte minuta 71-të kur gjërat për skuadrën e Zinedine Zidanes ndryshuan, pasi Vinicius Junior që pranoi një asistim nga Toni Kroos, mposhti Marc-andre ter Stegen.

Messi më pas kishte një shans të artë që t’i barazonte shifrat, por në momentet e fundit topin nga këmbë e tij e largoi Marcelo.

Mariano Diaz që u inkuadrua në lojë në minutën e 90+1′, dyfishoi epërsinë e madrilenëve pas vetëm një minuuti

Pas kësaj fitoreje, Real Madridi është rikthyer në vendin e parë me 56 pikë, një më shumë se Barcelona që është në të dytin.

Në xhiron e 27-të, madrilenët do të kenë punë me Real Betisin, gjersa katalunasit do të takohen me Real Sociedadin. /Telegrafi/

Vinicius celebrates his Goal with a Cristiano Ronaldo like Celebration.
The only thing missing from that Vinicius Junior celebration was the whole stadium shouting "Siuuuuuuu" with him😅😅😅🔥🔥🔥#ElClassico#RMABARpic.twitter.com/9RZmtrTpXx

— THE MAN™ (@ItsWanga) March 1, 2020