Kryeministri në detyrë i Kosovës, Ramush Haradinaj, ka kërkuar shtyrjen e votimit të Kosovës për anëtarësim në INTERPOL vitin e ardhshëm. Sipas njoftimit për media, Haradinaj e ka marrë këtë vendim për shkak të rrethanave të krijuara në vend.
“Kryeministri në detyrë i Republikës së Kosovës, Ramush Haradinaj, duke marrë parasysh rrethanat e krijuara, bazuar në kompetencat e tij si kryeministër në detyrë dhe nga rekomandimi i Ministrisë së Punëve të Jashtme, sot ka kërkuar shtyrjen e votimit të Kosovës për anëtarësim në INTERPOL për vitin e ardhshëm”, thuhet në njoftim.
Këtë vendim të kryeministrit në detyrë, Ramush Haradinaj, nuk po e sheh të arsyeshëm njohësi i çështjeve të sigurisë Nuredin Ibishi.
Në një deklaratë dhënë Telegrafit, Ibishi, ka thënë se kërkesa e Qeverisë për shtyerje të aplikimit në INTERPOL është për shkak të dështimit të tyre.
Sipas tij kjo kërkesë është shkak e mos punës së Qeverisë dhe Ministrisë së Punëve të Jashtme.
“Lobimi nuk bëhet brenda disa ditësh por lobimi bëhet gjatë tërë vitit. Pra më shumë kanë lobuar serbët për ta penguar anëtarësimin tonë, se sa ne që kemi bërë për vete për t’u anëtarësuar në këtë organizatë. Andaj mendoj që deklaratat e Qeverisë janë të pasinqerta, e sidomos nga MPJ e cila plotësisht ka dështuar, dhe duke e parë mo spunën e saj ku nuk do të ketë votat e mjaftueshme 2/3 atëherë mënyra më e mirë është që të tërhiqen”, ka thënë ai.
Inishi ka thënë se ky është dështimi i radhës për Kosovën, pasi që sipas tij edhe herën e kaluar kishin dështuar organet kompetente në lobim.
“Ka ndodhur edhe një shtyerje e mëhershme, me sygjerim të ndërkombëtarëve, e po ashtu edhe tani. Ata e kanë parë se nuk është lobuar sa duhet dhe si duhet. Pra kjo është një prej dështimit të radhës, ndërsa realisht në rastin e kaluar janë harxhuar një milion e 200 mijë euro dhe i kanë arsyetuar të hollat që i kanë shpenzuar në atë lobim të dështuar. Ndërsa tani nuk kanë bërë asgjë dhe nuk kanë pasur edhe çka harxhojnë. Por, kanë marrë vendim për të cilën e kanë ditur që do të vije dështimi i radhës. E gjithë kjo vie nga një rasti në rastin tjetër”, ka theksuar ai.
Ndryshe nga Ibishi, njohësi i çështjeve të sigurisë, Avni Islami, thekson se vendimi i Qeverisë për shtyerje të aplikimit për anëtarësim në INTERPOL, është i duhur.
Islami në një deklaratë dhënë Telegrafit ka thënë se pasi që Kosova në kushtet dhe rrethanat në të cilat gjendet në fushën ndërkombëtare nuk i ka numrat e mjaftueshëm që të bëhet pjesë e INTERPOL-it, atëherë sipas tij vendimi i Haradinajt është i drejtë.
“Duke pasur parasysh që Serbia me anë të miqeve të saj, pra Rusisë, Kinës dhe disa aleatëve të saj, kanë lobuar fuqishëm që Kosova të mos jetë pjesë e kësaj organizate, ky vendim për shtyerje të aplikimit është i drejtë. Po ashtu duhet të kemi parasysh që ka shtete që e kanë njohur Kosovën dhe ishin kundër anëtarësimit të Kosovës në INTERPOL në samitin e fundit, asgjë nuk ka ndryshuar esencialisht. Andaj Kosova nuk duhet të bëjë kërkesë për anëtarësim kur matematikisht nuk i ka numrat e mjaftueshëm”, ka thënë ai, duke shtuar se kjo është si rezultat i lobimit të dobët nga MPJ.
“Kjo ngase politikat e jashtme të Kosovës deri më tani kanë qenë të dobësuara, dhe MPJ me Presidencën nuk kanë lobuar e as nuk kanë punuar mjaftueshëm që Kosova t’i ketë numrat në samitin e ardhshëm ku do të aplikonte per INTERPOL. Pra për aplikim duhet të presim të konsolidohet Qeveria e cila do të vije e formuar nga LVV-LDK. Mendoj që me ardhjen e kësaj Qeverie dhe udhëheqjen e shtetit, Kosova do të ketë një fillim të mbarë dhe për herë të parë do të kemi një politike unike, qoftë në arenën ndërkombëtare apo të brendshme. Shpresoj që me programet që i ofron koalicionin LVV-LDK do të kemi një punë intensvie që do ta kurorëzojë anëtarësimin e Kosovës në INTERPOL në mbledhjen e radhës”, është shprehur ai.
Kujtojmë se Kosova kishte aplikuar për pranim në INTERPOL në janar të këtij viti dhe kërkesa e saj ishte pranuar nga Komitetit Ekzekutiv i INTERPOL-it.
Kosova edhe këtë vit ia kishte mësyrë anëtarësimit në Organizatën Ndërkombëtare të Policisë (INTERPOL), Asambleja e Përgjithshme e së cilës, mban punimet prej 15 deri më 18 tetor në Kili. Nikoqiri i sivjetmë i Asamblesë së Përgjithshme të kësaj organizate, ditë më parë ua ka dërguar ftesat zyrtarëve të Kosovës, për të marrë pjesë në takimin vjetor të 88 të vendeve të kësaj organizate.
Ndërsa tentativat e Kosovës për anëtarësim në INTERPOL kanë nisur që nga viti 2010. Atë kohë, Komiteti Ekzekutiv i kësaj organizate, nuk e kishte marrë fare parasysh kërkesën e parashtruar nga Prishtina zyrtare. Më 2015 dhe 2016, Kosova kishte aplikuar, por nuk ishte futur në agjendën e Asamblesë së Përgjithshme. Më 2017, Kosova pati tërhequr vullnetarisht kërkesën, për shkak të mbështetjes së pamjaftueshme./Telegrafi/
Promo
Reklamo këtuLufta Prigozhin - Putin
Më shumëNga Rubrika
Humb kontrollin e mjetit dhe bie në Lumin Lana, vdes shoferi
“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Server: Qeveria e re e Serbisë me bashkëpunëtorë të sulmit terrorist të Banjskës
Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak