Ajaxi thuhet se ka pranuar më në fund ofertën e Juventusit për De Ligt

Marrëveshja e propozuar e Juventusit për transferimin e mbrojtësit Matthijs de Ligt thuhet se është pranuar.

Sipas gazetës holandeze De Telegraaf, De Ligt nuk do të udhëtoj në Austri me skuadrën e Ajaxit pasi Juventusi më në fund ka dërguar ofertën prej 70 milionë eurosh.

Ky medium vazhdon të shpjegojë se Zonja e Vjetër fillimisht donte të paguante 50 milionë euro, sipas një premtimi nga viti i kaluar që ai mund të transferohej këtë verë për çmimin e cituar.

Lexo po ashtu Juventusi ngrit ofertën për De Ligt

Megjithatë, drejtori sportiv Marc Overmars nuk kishte dijeni për këtë, pasi marrëveshja ishte bërë në praninë e agjentit Mino Raiola, babait të lojtarit dhe këshilltarit Barry Hulshoff.

Kështu, Bianconerët u detyruan të negociojnë një çmim më të lartë për 19-vjeçarin.

Ndërkohë, Sky Sport Italia pajtohet që holandezi nuk do të marrë pjesë në kampin stërvitor para-sezonal të Ajaxit në Austri, por thekson se marrëveshja, edhe pse po afrohet më shumë – ende nuk është arritur.

Lexo po ashtu De Ligt thuhet se ka nënshkruar një kontratë marramendëse me Juventusin

De Ligt është zhvilluar në një nga mbrojtësit më të kërkuar në botë, që tashmë po shpërbëhet në nivelin më të lartë për klubin dhe vendin.

Ai fitoi dy trofe vendor me Ajaxin sezonin e kaluar dhe arriti në gjysmëfinale të Ligës së Kampionëve, si dhe finalen e Ligës së Kombeve me Holandën. /Telegrafi/