ShGM: Rashkovski jep shembull për atë se si nuk duhet të sillet një përfaqësues i Qeverisë ndaj gazetarëve

Shoqata e gazetarëve të Maqedonisë thonë se :sjellja e pashembullt dhe arrogante e plotësuar me kërcënime me padi për shpifje ndaj gazetarëve përbënte konferencën e sotshme për shtyp që mbajti Sekretari Gjeneral i Qeverisë së Republikës së Maqedonisë së Veriut, Dragi Rashkovski.

“Kërcënimet e tilla për ngritjen e padive kundër gazetarëve nga ana e përfaqësuesve të lartë të Qeverisë paraqesin presion ndaj gazetarëve që mund të rezultojë me vet-censurim. Sekretari Gjeneral i Qeverisë duhet të din se duke mos u përgjigjur në pyetjet e gazetarëve në konferencë për shtyp, të cilën ai vet organizoi, por edhe me sjelljen e pashembullt ndaj disa gazetarëve që ishin të pranishëm aty, shkel konceptin e hapjes dhe transparencës të cilën Qeveria mundohet ta promovojë”, thuhet në njoftimi e ShGM-së, njofton Telegrafi Maqedoni.

Lexo po ashtu Rashkovski: Nuk jap dorëheqje, do të padis gazetarë, parti dhe portale për shpifje

Ata rikujtojnë Rashkovskin se nëse nuk është i kënaqur nga respektimi i standardeve etike në ndonjë prodhim mediatik, atëherë ai mund të paraqet ankesë në organet vetërregulluese. Përfaqësuesit e lartë të Qeverisë, por edhe personat publik në përgjithësi duhet të kenë prag më të lartë të tolerancës kur kritikohet puna e tyre nga ana e gazetarëve.

“Ato duhet të dinë se kërcënimet për shpifje dhe fyerje kundër gazetarëve paraqesin metodë e vjetërsuar dhe jopopullore që është përdorur në të kaluarën dhe ka ndikuar negativisht mbi lirinë e shprehjes dhe ka kontribuuar në mënyrë negative që Maqedonia të vlerësohet keq në indekset botërore që masin lirinë e mediave”, thuhet në ufnd të njoftimit../Telegrafi/