Gjermania tha të martën se mund të marrë disa prej 300 emigrantëve të shpëtuar në Mesdhe në javët e fundit, por dhjetëra të tjerë, duke përfshirë pesë fëmijë, mbetën të bllokuar në det pa asnjë vend evropian që ofron një port për t’i pritur.
Sea-Watch 3, një anije e drejtuar nga një grup humanitar gjerman, shpëtoi 32 vetë nga një varkë e pasigurt jashtë brigjeve të Libisë më 22 dhjetor dhe një tjetër bamirëse gjermane, Sea-Eye, shpëtoi 17 të tjerë më 29 dhjetor.
Anijet, që mbajnë 49 persona në total, kanë mbetur në brigjet e Maltës për ditë të tëra.
Ekipet e anijeve kanë shprehur shqetësimin për gjendjen mentale të emigrantëve, të përkeqësuar nga moti i keq dhe sëmundja e mushkërive.
“Fëmijët, ata janë të sëmurë … dhe nuk po flenë dot gjumë për shkak të valëve. Ne po vdesim ngadalë në këtë vend”, tha Diamond, një nigerian i shpëtuar nga Sea-Watch 3, i cili nuk pranoi të jepte mbiemrin e tij.
Malta, shteti më i vogël i Bashkimit Evropian, po kërkon nga partnerët të marrin disa prej emigrantëve, duke përfshirë edhe 249 persona të tjerë, të cilët janë marrë nga anijet e marinës malteze në javën e fundit të vitit 2018.
“Rezultati i vetëm i qëndrueshëm është një zgjidhje në mbarë Evropën”, tha Kim Heaton-Heather, kreu i misionit të Sea-Watch 3, për Reuters në anije. “Gjithkush po përpiqet të heqë qafe përgjegjësinë e tyre”.
Gjermania është e gatshme të marrë 50 emigrantë, përderisa edhe vendet e tjera evropiane gjithashtu po marrin pjesën që u takon, tha të martën Ministri i Brendshëm Horst Seehofer. Holanda kishte treguar gjithashtu se ishte e gatshme të mirëpriste disa, transmeton tch.
Qeveria e Italisë është ndarë në këtë çështje, me ministrin e brendshëm të linjës anti-imigrante Matteo Salvini, që refuzon të strehojë një emigrant të vetëm, ndërsa kryeministri Giuseppe Conte ofrohet për të marrë një pjesë të vogël nëse Malta i lejon anijet të ankorohen.
Bisedimet për të shpërndarë emigrantët janë në vazhdim “dhe qeveria malteze dëshiron t’i shohë ato të përfunduara në orët e ardhshme”, tha qeveria e Maltës në një deklaratë.
“Një zgjidhje afatgjatë evropiane për çështje të ngjashme në të ardhmen duhet të jetë një prioritet në mënyrë që të shmanget një përsëritje e cila e ngarkon edhe më shumë një shtet anëtar, si Malta, i cili gjithmonë i përmbahet detyrimeve të tij”, tha ai.
Pasi Salvini mbylli portet e Italisë për anijet e migracionit në qershorin e kaluar, komisionit ekzekutiv të BE-së shpesh i është dashur të kryejë negociata të gjata me shtetet anëtare për të ndarë të ardhurit e rinj, përpara se anijet e shpëtimit të lejohen të ankorohen.
Promo
Reklamo këtuLufta Prigozhin - Putin
Më shumëPas muajsh heshtjeje, rusët pranojnë se Kievi rrëzoi aeroplanin e tyre të shtrenjtë spiun A-50
Çfarë thonë dokumentet e gjykatës amerikane për investimet e Spajiqit në Teraform Labs
Në Rusi raportohen 139 raste me simptoma të botulizmit, shumë prej tyre janë në gjendje të rëndë
Si krahasohet raketahedhësi i ri i NATO-s me HIMARS-in amerikan që i është dhënë Ukrainës?
Drama në kufirin e dy Koreve, ushtarët e Veriut vendosën mina nga të cilat humbën vetë jetën - të shtëna paralajmëruese nga Jugu
Shpërthim i madh në qytetin rus
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
UEFA fillon procedurat disiplinore ndaj Serbisë
Çfarë tha Stoltenberg teksa theksoi se NATO është në bisedime për t’i vënë armët bërthamore në gjendje gatishmërie?
“Janë Mbappe, Vinicius, Rodrygo dhe Bellingham” – Sulmuesi i Real Madridit shpjegon vendimin për t’u larguar
Mbappe me huqjen më të madhe deri më tani në Euro 2024
Presidenti i UEFA-s thotë atë që po e thonë të gjithë për yllin e Barcelonës
Loredana nuk përmbahet - publikon fotografi intime nga pushimet me të dashurin gjerman