Klipi “Shqipe” nga Tayna ngjason me një nga klipet e Teyana Taylor

Tayna është njëra ndër artistet më të reja në estradë, talenti i së cilës u spikat menjëherë nga publiku.

Ajo është pa diskutim njëra ndër reperet më të pëlqyera të kësaj vere, e krejt kjo falë stilin unik në të kënduar.

“Columbiana” dhe “Shqipe” janë dy këngët hit të saj, të cilat janë realizuar edhe me klipe, ndërsa kanë shënuar shifra të larta klikimesh në YouTube.

Kur jemi te kënga e dytë, duket se klipi i saj nuk është edhe aq origjinal, kjo pasi shumica e skenave në të, ngjasojnë me atë të një videoje të publikuar në internet nga trajnerja e njohur e fituesit nga Amerika, Teyana Taylor.

Kjo e fundit, e kishte publikuar këtë video në janar, ndryshe nga Tayna e cila solli klipin “Shqipe” në qershor.

Vallëzimi, veshje she skenari i videos duken shumë të ngjashme, e ndërsa vet Tayna nuk është deklaruar nëse ka qenë apo jo e inspiruar nga Teyana për realizimin e këtij klipi.

Sido që të jetë, reperja kosovare është pa dyshim një nga emrat më të kërkuar gjatë muajve të verës në koncerte. /Telegrafi/