Premierë: Albërie Hadërgjonaj publikon projektin e ri “Leje leje”, vjen tejet atraktive në klip

Ashtu siç kishte paralajmëruar, këngëtarja Albërie Hadërgjonaj ka sjell për fansat këngën e saj më të re.

“Leje leje” mban titullin kënga e saj e re, e cila vjen në kanalin YouTube shoqëruar me një klip atraktiv.

Muzika është realizuar nga Kledi Bahiti, gjersa teksti është shkruar gjithashtu nga Kledi në bashkëpunim me Hadërgjonajn.

Ditë më parë, vet artistja në një prononcim për Telegrafin kishte folur rreth këtij projekti veror, të cilin shpreson se publiku do ta mirëpresë.

“Kënga im e re vjen me ritëm dhe përcjell shumë energji pozitive. Është një nga ato këngë që të bëjnë të kërcesh edhe kur nuk je në humor. Shpresoj që publiku ta pëlqejë”, ka thënë Albërija për Telegrafin.

Klipi i këngës është mjaft veror, dhe në të këngëtarja shfaqet mjaft provokuese dhe atraktive shoqëruar me një performancë interesante.

“Xhirimet e klipit janë bërë në Vlorë dhe një pjesë në një nga resortet luksoze të Durrësit. Klipi është duke u punuar nga MAX Production, të cilët i falënderoj shumë për punën e mirë”, ka treguar më tej Hadërgjonaj për Telegrafin.

E njëjta pritet që gjatë verës të jetë shumë aktive me projekte të reja, koncerte e mbrëmje muzikore të ndryshme. /Telegrafi/