Rahoveci pa qendër ndaj Bashkimit, plot katër lëndime

KB Rahoveci ka konfirmuar një varg lëndimesh para përballjes së parë të playoffit ndaj KB Bashkimit të enjtën në ora 19:30.

Klubi Vreshtar në faqen zyrtare ka paralajmëruar përgatitjet për përballjen e parë historike për klubin në playoff që zhvillohet të enjtën në Prizren ndaj Bashkimit.

Skuadra që përfundoi e treta në tabelë me 16 fitore këtë edicion, do të përballet me Bashkimin në vendin e dytë.

Por, problemet për kryetrajnerin Bujar Loci janë shtuar në prag të këtij dueli.

Përpos vështirësisë së stërvitjeve ku klubi nuk ka palestër dhe ndeshjet i zhvillon si mysafir në Gjakovë, tash janë edhe një varg i lëndimeve që kanë lënë pa lojtar Rahovecin në pozitën numë pesë.

Besnik Sharku, kapiteni i klubit, ka një lëndim në qafë, Mustafë Merovci ka një lëndim në nyje, ndërkaq raportohet se edhe Mark Ëilliams ka zgjerim të lëndimit në shpinë dhe me shumë gjasë mungon në ndeshjen e parë. Pos tjerash, edhe Arian Qallaku nuk është deklaruar i gatshëm, po ashtu për shkak të lëndimit.

KB Bashkimi pas këtyre lëndimeve e ka fitoren pothuajse të sigurtë në ndeshjen e parë. /Telegrafi/