‘Mbreti i Romës’ që është më i rëndësishëm se Colosseumi dhe ylli i munguar te Galaktikët e Realit (Foto/ Video)
Italianët nuk e kanë problem të luajnë mbi moshën 40 vjeçare.
Paolo Maldini e ka bërë këtë me Milanin, Dino Zoff fitoi Kupën e Botës, dhe shënuesi më i madh në histori të Serie A, Silvio Piola po ashtu ka luajtur deri mbi moshën 40 vjeç.
I fundit është Mbreti i Romës, Francesco Totti.
Shumë pak njerëz në Itali dhe në pjesën tjetër të planetit nuk i dorëzohen magjisë së Francesco Totti. “Il Capitano”, “Er Pupone”, mbreti i Romës, i cili ka më shumë se dy dekada i veshur me të njëjtën fanellë, ditë për ditë.
Të martën, pra sot, Totti feston ditëlindjen e 40-të dhe, nëse ka befasi më të madhe, kjo ka lidhje me të luajturit sezonin e tij të fundit në klubin e njohur italian, në Seria A, si futbollist profesionist.
Ai ka shënuar 250 gola në Serie A dhe është i dyti pas Piolas, si shënuesi më i mirë në histori.
Një kohë Claudio Ranieri kishte thënë se Totti është më i rëndësishëm për Romën se sa ‘Colosseumi’.
Ai mori shiritin e kapitenit në moshën 22 vjeçare.
Megjithatë, jashtë Romës dhe Italisë ka shumë histori të ndryshme për të. Për shumë kë ai është i mbivlerësuar, sidomos në Angli.
Ndoshta në qoftë se ai do të kishte shkuar në Real Madrid në verën e vitit 2003 mendimet do të ishin tjera.
Në epokën e Galaktikëve të Real Madridit, ai ishte kërkuar me ngulm nga presidenti Florentino Perez i cili kishte një mision që ta blejë çdo vit lojtarin më të mirë në botë.
I pari ishte Luis Figo, pastaj Zinedine Zidane, Ronaldo, David Beckham dhe Fabio Cannavaro.
Por ishte një që kurrë nuk e mori. Nr.10 i romakëve nuk e tradhtoi kurrë qytetin e tij.
“Santiago Bernabeu është një stadium i mahnitshëm. Real Madrid është pendimi im i vetëm”, kishte thënë Totti pas një ndeshje ku u prit jashtëzakonisht mirë nga publiku madrilen.
Ai do të kishte shënuar ndoshta 250 gola në La Liga, do ta kishte fituar Ligën e Kampionëve, tituj spanjoll dhe duartrokitje nga i gjithë globi ku do të kishte qenë i rrethuar me galatikë.
Imagjinoni në një skuadër Tottin, Ronaldon, Raulin e Figon dhe Zidanen pak më të tërhequr më thellë, Roberto Carlos në të majtë.
Edhe Antonio Casanno, që kishte luajtur me këta lojtarë, për Tottin ka fjalë tjera.
“Unë kam luajtur me legjenda si Zidane, Ronaldo, Van Nistelrooy dhe Raul, por askush nuk më kuptoi si Totti .Ai nxori më të mirën nga unë”, tha Antonio Cassano.
Ai ka luajtur prapa Gabriel Batistutas e Marco Delvecchio, por edhe me Vincenzo Montellan dhe Cassanon dhe gjithmonë kishte dhuruar spektakël.
Të mendojmë se Ronaldo do të ishte në vend të Montellas e Raul në vend të Cassanos.
Ai ka shënuar 17 gola në Ligën e Kampionëve, ndërsa nëse do të ndërronte ekip do të garonte me Raulin, Van Nistelrooyn, Lionel Messin dhe Cristiano Ronaldon.
Totti ka filluar karrierën me Romën dhe deklarata e tij e tregon dashurin e tij të madhe.
“Jam rritur duke luajtur për Romën dhe unë dua të vdes duke luajtur për Romën, sepse unë kam qenë gjithmonë një tifoz i Romës!”.
Një fjali që tregon gjithçka. /Telegrafi/
Lufta Prigozhin - Putin
Më shumëNga Rubrika
Pse Jamal Musiala vendosi të mos përfaqësojë Anglinë në nivel të lartë, duke përzgjedhur më pas Gjermaninë
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
Zyrtare: Bundesliga me pesë skuadra në Champions duke iu falënderuar Dortmundit
UEFA zbulon lojtarin më të shpejtë për këtë edicion në Ligën e Kampionëve
Mohamed Salah thyen heshtjen në rrjetet sociale pas përplasjes që kishte me Jurgen Klopp
Tifozët kanë mbetur të shokuar me pritjen që iu bë Toni Kroosit në ‘Allianz Arena’
A di të ndalet ky Ronaldo? Çfarë goli me këmbën e majtë
Tifozët e Real Madridit kanë mbetur të habitur me praninë e ‘lojtarit misterioz’ me ekipin në Gjermani
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit